ஐயா சாமிகளா.. ஒரு நிமிஷம்

அன்புமிக்க நண்பர்களே!!

கடந்த 2 நாட்களில் என் வலைப்பூவுக்கு வந்த அனைவரும் பார்த்திருப்பீங்க சில மாற்றங்களை. ஆமா டெம்ப்ளேட் மட்டும் மாற்றம் இல்லை. கருத்துரை மட்டுறுத்தலையும் கவனிச்சிங்களா.. ஏன் இந்த மாற்றம்?. வலைப்பூ ஆரம்பித்து ஒரு வருஷத்துக்கு மேலாகுது, இதுநாள் வரைக்கும் மட்டுறுத்தலை நான் வைத்ததுகிடையாது.

இதுக்கு காரணம் கடந்த 2 நாட்களுக்கு முன்னர் என் வலைப்பூவில் சில விஷமிகள் விஷத்தை கக்கி சென்றுள்ளனர். நான் வெள்ளியன்று விருது கொடுத்து வாழ்த்துக்கள் பதிவிட்டிருந்தது உங்கள் அனைவருக்கும் தெரியும். அந்த பதிவில் சில கயவர்கள் கெட்டவார்த்தைகளால் கருத்துரை இட்டுவிட்டு சென்றிருக்கின்ற‌னர்.

சொல்லத்தகாத அச்சில் ஏற்றமுடியாத வார்த்தைகளால் கருத்து போட்டிருந்தனர்.

//!#$^^*&()_++++.... டேய் நாயே... எங்கபோனாலும் உன்னோட மூஞ்சிதான் தெரியுது. எங்கே போனாலும் @!#$$%%^^&&*~+++... வந்திருவியா....@#%$%^&&&*#&_>:::$%*_!#%$%&+++..../// இதில் நான் சொல்லாத பல வார்த்தைகள் அடங்கியுள்ளன.

இதை நான் கவனிக்கவில்லை. சனிக்கிழமை நண்பர் சரவணகுமார் போன் செய்து உங்க பிளாக்ல ஒரு மோசமான கமெண்ட் வந்திருக்கு. அதை உடனே டெலிட் பண்ணுங்க, சீக்கிரம்.., யாரும் பார்த்திடபோறாங்க. என்று சொன்னார். நான் அதை பார்த்ததும் அதிர்ந்து போயிவிட்டேன். ரொம்ப வருத்தமாக இருந்தது.

ஏன் இப்படி எல்லாம் எழுதி என்பெயரைக் கெடுக்க சதிவேலை செய்கின்றனர்?. என் வலைப்பூ லேடீஸ், பெரியவர்கள், நண்பர்கள், என்று எல்லோரும் வந்துபோகக்கூடிய வலைப்பக்கம். இப்படி எழுதவேண்டிய அவசியமென்ன?.

இந்த கமெண்ட் போலி பயனர் பெயரில் வந்துள்ளது.
இந்த கமெண்ட் எழுதியிருந்தவர் எழுதி இருந்த கருத்தை பார்க்கும்போது, என்னை பலநாள்கள் கவனித்து இருப்பார்போல. புதிதாக என்பக்கத்துக்கு வர‌கூடியவரும் அல்ல.

நான் ஏதோ என் சிந்தனைக்குட்பட்ட கருத்துக்களை உங்களிடம் பகிர்ந்து கொள்கிறேன். நான் ஒன்றும் தப்பாக அல்லது தனிப்பட்ட எவரையும் தாக்கி, அல்லது கருத்துவேறுபாடு கொண்ட விஷயங்களை பற்றி எழுதவில்லை. இதனை நீங்கள் அனைவருமே அறிவீர்கள்.

எனக்கு பிடித்தவர்களுக்கு அவர்கள் பக்கங்களுக்கு சென்று கருத்துக்களை பகிர்ந்து கொள்கிறேன். நான் யாரையும் கேட்டு எழுத‌ வேண்டிய அவசியமில்லை. எல்லாமே என் சொந்தக்கருத்துக்கள்.

என்ன நண்பர்களே!!.. நான் சொல்றது சரிதானே..

என் எழுத்துக்களில் எதாவது குறையிருந்தால் சொல்லுங்கள். திருத்திக்கொள்கிறேன்.

நீங்களும் உங்கள் வலைப்பக்கங்களில் கருத்துரை மட்டுறுத்தலை சேர்த்துகொள்ளுங்கள்.


உங்கள் மேலான கருத்துக்களை எதிர்பார்த்தவனாக உங்கள் ஸ்டார்ஜன்.

,

Post Comment