எங்க ஊரு நல்ல ஊரு - திருநெல்வேலி

ஸாதிகா அக்கா அன்போடு அழைத்த இடுகை. ஒவ்வொரு நண்பர்களின் ஊர்களை பற்றி நிறைய தெரிந்துகொள்ள வாய்ப்பாக இருக்கிறது. நன்றி ஸாதிகா அக்கா.

திருநெல்வேலி என்று சொன்னாலே உங்களுக்கு அல்வா என்றுதான் ஞாபகத்தில் வரும். இங்கு தயாரிக்கப்படும்‌ அல்வாவின் சுவையே தனிதான். அதிலும் நெல்லை டவுணில் உள்ள‌ இருட்டுக்கடை அல்வாவிற்கு இருக்கும்
ருசியே தனிதான். அந்த கடையில் ஒரே ஒரு பல்பு மட்டும் எரிவதால் இருட்டுக்கடை என்ற பெயர். கூட்டம் அலைமோதும் அந்த கடையில் வியாபாரம் ஓஹோ. திருநெல்வேலிக்கு வருபவர்கள் இங்கே அல்வா வாங்காமல் திரும்ப மாட்டார்கள்.

திருநெல்வேலிக்கு பெயர்க்காரணம் இந்துமத நம்பிக்கையின்படி, ஒரு ஏழை விவசாயி இறைவனுக்கு படைக்க நெல்லை காய வைத்திருந்ததாகவும், அவன் பார்க்காத சமயம், மழை திடீரென பெய்ய, சிவன்(நெல்லையப்பர்), நெல் மேல் நீர் படாமல் காத்தார் எனவும், அதனால், அவருக்கு நெல்லையப்பர், என்றும், அந்த இடத்துக்கு திரு + நெல் + வேலி என்றும் பெயர் பெற்றதாக கூறுகிறார்கள்.

"திக்கெல்லாம் புகழுறும் திருநெல்வேலி' என சம்பந்தரும், "தண் பொருநைப் புனல்நாடு' என சேக்கிழாரும், "பொன்திணிந்த புனல் பெருகும் பொருநைத் திருநதி' என்று கம்பரும் பாடிய பூமி,திருநெல்வேலி ஆகும்.

வற்றாத ஜீவநதிகளுள் ஒன்றான தாமிரபரணி வளம்கொழிக்கும் நெல்லைக்கு பல வரலாற்று சிறப்புகள் உண்டு. நம்நாட்டின் விடுதலைக்கு பாடுபட்ட பல வீரர்களை வித்திட்டபூமின்னு சொல்லலாம். வீரபாண்டிய கட்டபொம்மன், கான்சாகிப், வாஞ்சிநாதன், வ.உ.சிதம்பரனார், சுப்பிரமணிய சிவா, ஊமைத்துரை மற்றும் வரலாற்று ஏடுகளில் சொல்லப்படாதவர்களும் வாழ்ந்த ஊர்ன்னு சொல்லலாம்.

தமிழ்நாட்டில் பல்வேறு நகரங்களில் பேசப்படும் வட்டாரமொழிகளில் நெல்லைத்தமிழும் பிரசித்தி பெற்றது. நெல்லையும் தூத்துக்குடியும் பிரிக்கப்பட்டாலும் இன்னும் இங்குள்ள மக்களின் சகோதரத்துவமும் பேச்சுவழக்கும் பழக்கவழக்கங்களும் ஒன்றாகத்தான் இருக்கிறன்றன.

நெல்லை மாவட்டத்தில் திருநெல்வேலி, பாளையங்கோட்டை, தென்காசி, கடையந்ல்லூர், சங்கரன்கோவில், அம்பை (அம்பாசமுத்திரம்), சேரன்மகாதேவி, ஆலங்குளம், நாங்குநேரி, ராதாபுரம் போன்ற 10 சட்டமன்ற தொகுதிகளில் முக்கிய நகரங்கள் உண்டு.

திருநெல்வேலியும் பாளையங்கோட்டையும் இரட்டை நகரங்களாகும். திருநெல்வேலியிலும், பாளையங்கோட்டையிலும் நிறைய கல்விநிறுவன‌ங்கள் நிறைந்துள்ளன. பாளையங்கோட்டை தென்னகத்தின் ஆக்ஸ்போர்டு என்றழைக்கப்படுகிறது.

பாளையங்கோட்டையில் புகழ்பெற்ற மத்திய சிறைச்சாலையும் உள்ளது.

நெல்லை ஜங்சனில் ஆசியாவில் முதல் ஈரடுக்கு மேம்பாலம் போக்குவரத்து சிக்கல் இல்லாமல் காக்கிறது.

இங்குள்ள மக்களில் முஸ்லிம்கள், கிருஸ்துவர்களும் பெருமளவில் இந்து சமுதாயத்தவரும் நிறைந்து காணப்படுகின்றனர். ஒரு சிலபகுதி மக்களை தவிர்த்து மற்ற அனைவரும் நடுத்தர மற்றும் வறுமைக்கோட்டுக்கு கீழ் உள்ளவர்கள் இங்கு உண்டு. ‌பேட்டை, மேலப்பாளையம் மற்றும் சில ஊர்களில் உள்ள பெண்கள் பீடி சுற்றும் தொழில் செய்து வருகின்றனர். இவர்களில் திருமணமாகாத பெண்கள் தங்கள் வருங்கால வாழ்க்கைக்கு பெற்றோர் தயவை எதிர்பார்க்காமல் தம்மால் இயன்றளவுக்கு பொருளீட்டி சம்பாதிக்கின்றனர்.

நெல்லையில் சுற்றிப்பார்க்க நெல்லையப்பர் கோவில், அறிவியல் மையம், ஜூன் ஜூலை மாதங்களில் அரசு சார்பிலும் தனியாரும் பொருட்காட்சி நடத்துவார்கள். சில சமயங்களில் சர்க்கஸ்ம் நடத்துவார்கள். மக்களுக்கு ரொம்ப சந்தோசமாக இருக்கும். தங்களுடைய ஓய்வு நேரங்களில் இதுமாதிரியான இடங்களுக்கு செல்வார்கள். விடுமுறை நாட்களில் அருகிலுள்ள ஜங்சன் பகுதி, கோபாலசமுத்திரம் மற்றும் சேரன்மகாதேவி ஆற்றுக்கு குடும்பத்தினரோடு சென்று பொழுதை கழிப்பார்கள்.

இதுபோக பாபநாசம், குற்றாலம் அருவிகளுக்கும் மற்றைய சுற்றுலாத் தளங்களுக்கு செல்வார்கள்.

இங்குள்ள மக்களுக்கு விவசாயம் முக்கிய தொழிலாக இருந்துவருகிறது. அதெல்லாம் அப்போ... என்று சொல்லுமளவுக்கு இன்று எங்கும் விளைநிலங்கள் மனைகளாகவும் ரியல்எஸ்டேட் தொழில் செய்பவர்களின் கையில் தஞ்சம் அடைந்துள்ளது வேதனைக்குரியது. எங்கு பார்த்தாலும் அங்கே இத்தன சென்ட் நிலம் குறைவான தொகை, இங்கே இவ்வளவு தொகை என்று கூவிகூவி மக்கள் தொலைத்தொடர்பு சாதன‌ங்களின் மூலம் விளம்பரம். காண சகிக்கலை.

இது நெல்லையில் மட்டுமல்ல தமிழ்நாடு முழுவதும்தான்.

***************


அன்பு பதிவுலக சகோதர சகோதரிகளே!

நெல்லையில் வருகிற 17ம்தேதி வெள்ளிக்கிழமை பதிவர் சந்திப்புக்கு பதிவர் நண்பர் சங்கரலிங்கம் அவர்கள் ஏற்பாடு செய்து அழைப்பு விடுத்துள்ளார்கள்.

வரும் 17.06.2011 வெள்ளி அன்று, திருநெல்வேலியில் பதிவர்கள் சந்திப்பு நிகழ்ச்சி ஒன்று ஏற்பாடு செய்துள்ளோம்.

இடம்: மிதிலா ஹால்,A/C.
ஹோட்டல் ஜானகிராம்,
மதுரை ரோடு,
திருநெல்வேலி சந்திப்பு.

நாள்: 17.06.2011
நேரம்: காலை 10.00 மணி.

ஆன் லைனில் நிகழ்ச்சியினை பதிவுலகில் கண்டு களிக்க, சகோதரர் நிரூபன் ஏற்பாடு செய்து வருகிறார்.

பதிவர் சந்திப்பில் கலந்துகொண்டு உங்களுடைய அனுபவங்களையும் பகிர்வுகளையும் பகிர்ந்து கொள்ளுங்கள் நண்பர்களே!..

உங்கள் ஸ்டார்ஜன்.

,

Post Comment

பதிவுலகில் நான் எப்படிப்பட்டவன்?..

1) வலைப்பதிவில் தோன்றும் உங்கள் பெயர்?

Starjan ( ஸ்டார்ஜன் )

2) அந்தப்பெயர் தான் உங்கள் உண்மையான பெயரா? இல்லை எனில் பதிவில் தோன்றும் பெயரை வைக்க காரணம் என்ன?

இல்லை. இது ரொம்ப நாளாக எல்லோரும் என்னிடம் கேட்ட கேள்வி. அதற்கான பதிலை சொல்ல இப்போதுதான் வாய்ப்பு அமைந்தது. கல்லூரியில் படிக்கும்போது இரண்டு ஷேக் மைதீன்கள் உண்டு. எங்களுக்குள் வித்யாச‍ப்படுத்திக் கொள்ள பெயரில் மட்டும் அவருக்கு தில் ஷேக் என்றும் எனக்கு ஸ்டார் ஷேக் என்றும் வைத்துக் கொண்டோம். பெயரில்தான் வித்யாசமேதவிர எப்போதும் ஒன்றாவே இருப்போம். ஸ்டார் ஷேக் என்ற பெயரில்தான் பதிவு ஆரம்பிக்க நினைத்தேன். பின்னர் எனது மனைவி பெயரில் உள்ள முதலெழுத்தும் என்பெயரில் உள்ள கடைசி எழுத்தையும் சேர்த்து ஸ்டார்+ஜன்= ஸ்டார்ஜன் என்று பெயர் வைத்து எழுத ஆரம்பித்தேன்.

3 ) நீங்கள் தமிழ் வலைப்பதிவு உலகில் காலடி எடுத்துவைத்ததைப் பற்றி...

எழுத்து என்பது நமது எண்ணங்களை பிரதிபலிக்கும் ஒரு கண்ணாடி. மனதில் உள்ள எண்ணங்களை எழுத்தின்மூலம் பதியவைப்பதற்காக..

4) உங்கள் வலைப்பதிவை பிரபலமடையச் செய்ய என்ன என்னென்னவெல்லாம் செய்தீர்கள்?

நான் ஆரம்பத்தில் தமிழ்மணம், தமிழிஷ்ல் மட்டுமே இணைத்திருக்கிறேன். தமிழ்மணம், தமிழிஷ் மற்றும் இதர திரட்டிகளுக்கும் என் நன்றிகள். எனது எழுத்துக்களை எல்லோரிடமும் கொண்டு சேர்த்த பெருமை திரட்டிகளுக்கே போய் சேரவேண்டும்.

பின்னர் என் எழுத்துக்களை படித்து பாராட்டிவரும் வாசகர்கள் அவர்களாக எல்லா திரட்டிகளிலும் இணைத்த அவர்களுக்கு என்றென்றும் என் நன்றிகள்.

5) வலைப்பதிவின் மூலம் உங்கள் சொந்த விஷயத்தை பகிர்ந்துகொண்டதுண்டா? ஆம் என்றால் ஏன்?அதன் விளைவு என்ன? இல்லை என்றால் ஏன்?

என்னுடைய அனுபவங்கள் சிலவற்றை பகிர்ந்து கொண்டுள்ளேன். அனுபவங்களை பற்றி எழுதும்போது நமக்கும் படிப்பவர்களுக்கும் ஒரு உறவுப்பாலம் தோன்றும். அதில் ஒரு சந்தோசம். எனக்கு ரொம்ப பிடித்திருக்கிறது.

6) நீங்கள் பொழுதுபோக்குக்காக பதிவுகளை எழுதுகிறீர்களா அல்லது பதிவுகளின் மூலம் சம்பாதிப்பதற்காகவா?

பொழுதை போக்காமல் நாளைய பொழுது போக என்னசெய்யலாம் என்று யோசித்து எழுதுகிறேன்.

7) நீங்கள் மொத்தம் எத்தனை வலைப்பதிவுகளுக்கு சொந்தக்காரர்? அதில் எத்தனை தமிழ் வலைப்பதிவுகள் உள்ளன?

டெம்ப்ளேட் டெஸ்ட் செய்ய ஒரு வலைப்பூ. நான் எழுத ஆரம்பித்த புதிதில் உள்ள நாளைய ராஜா என்ற வலைப்பூ, இப்போது எழுதிவரும் நிலா அதுவான‌த்துமேல சேர்த்து மொத்தம் மூன்று.

8) மற்ற பதிவர்கள் மீது எப்போதாவது உங்களுக்கு கோபம் அல்லது பொறாமை ஏற்பட்டது உண்டா? ஆம் என்றால் யார் அந்த பதிவர்? ஏன்?

நான் ஒவ்வொரு இடுகை எழுதும்போதும் முதல் இடுகையாக நினைத்து எழுதுகிறேன். எல்லோரையும் போல நானும் எழுத வேண்டும் என்ற ஆர்வம்தான் இன்றுவரை உள்ளது. மாறாக எனக்கு யார்மீதும் கோபமோ பொறாமையோ ஏற்பட்டதில்லை. எல்லோரும் என் நண்பர்களே...

9) உங்கள் பதிவை பற்றி முதன் முதலில் உங்களை தொடர்புகொண்டு பாராட்டிய மனிதர் யார்? அவரைப் பற்றி, அந்த பாராட்டைப் பற்றி..

என் நண்பர் அக்பர். பண்பாளர்; பாசமிக்கவர்; என் நலனில் அக்கறை கொண்டவர். நாங்கள் இருவரும் நிறைய விசயங்களை பற்றி விவாதிப்போம். ஆனால் கருத்துவேறுபாடு ஏற்பட்டதில்லை.

பின்னர் எழுத ஆரம்பித்தவுடன் என்னை பாராட்டிய என் நண்பர் முரளிக்கண்ணன், அண்ணன் கோவி.கண்ணன், பழனி டாக்டர் திரு சுரேஷ் அவர்களையும் மறக்க இயலாது.

10) கடைசியாக----விருப்பம் இருந்தால் உங்களைப் பற்றி பதிவுலகத்துக்கு தெரிய வேண்டிய அனைத்தையும் பற்றி கூறுங்கள்...

எல்லோருக்கும் தெரிந்த விசயந்தான். நான் புதிதாக சொல்ல ஒன்றும் இல்லை. கேள்வியில் கேட்டதினால்..., உங்கள் கற்பனைகளுக்கு தீனி போடுங்கள். உங்கள் எழுத்துக்கள் பிறரால் போற்றப்படவேண்டும். எழுத்திற்கு ஒரு கண்ணியம்கொடுங்கள். பிறர் மனம் வருந்தும் அளவுக்கு உங்கள் எழுத்துக்கள் ஆகிடக்கூடாது.


பா.ரா அண்ணன் அவர்களையும் நண்பர் ஜெய்லானி அவர்களையும் நண்பர் சரவண‌க்குமார் அவர்களையும் இந்த தொடரை தொடர அன்போடு அழைக்கிறேன்.


என்றும் அன்புடன்
உங்கள் ஸ்டார்ஜன்.


,

Post Comment

தங்க ராஜா - தொடர் இடுகை

ஸாதிகா அக்கா என்னை ஒரு தொடர் இடுகைக்கு அழைத்திருந்தார். அவருக்கு என் நன்றிகள்.


ஒரு பெரிய தங்க கடையில் உள்ளே நுழைந்து வேண்டிய மட்டும் ஃப்ரீயாக அள்ளிக்கொளுங்கள் எனும் பொழுது வரும் ஸ்டார்ஜனின் அனுபவம்..


* முதலில் எனக்கு ரொம்ப சந்தோசமா இருக்கும்.

* இப்போது தங்கம் விற்கும் விலையில் ஒரு பெரிய தங்கநகை கடையில் எல்லாம் ப்ரீயா கிடைக்குதுன்னா கேட்கவா வேணும். ஆனந்தம் ஆனந்தம்.

* தங்கநகைக் கடையில் ப்ரீயாக என்றால் நான் அந்த நகையில் உள்ள எல்லாவற்றையும் நானே எடுத்துக் கொள்வேன்.

* நான் கடையில் உள்ள எல்லாத்தையும் எடுத்தப்பிறகு கடைக்காரரிடமிருந்து கடையை வாங்கிக் கொள்வேன்.

* என்மனைவி, எங்கம்மா, என்தங்கைக்கு வேண்டியதை மட்டும் கொடுப்பேன்.

* கஷ்டப்படுகிறவர்களுக்கும் ஏழைஎளியவங்களுக்கும் விலையை குறைத்து கொடுப்பேன். செய்கூலி, சேதாரத்தில் நியாயமாக உள்ள ப்ரசன்டேஜ் மட்டும் அவர்களிடம் வாங்குவேன்.

* எல்லோரும் தங்கம் வாங்கவேண்டும்; கனவு நனவாகவேண்டும். விலையை குறைக்க தங்க நகைக்கடை உரிமையாளர் கூட்டத்தில் வலியுறுத்துவேன்.

* நகைக்கடையில் குறைந்த சம்பளத்துக்கு வேலைக்கு செல்லும் இளம்பெண்களை வேலைக்கு வைத்துக் கொள்ளமாட்டேன். கஷ்டப்படும் குடும்பங்களுக்கு என்னால் இயன்ற உதவிகளை செய்வேன்.

* அந்த பெண்கள் படித்து வாழ்க்கையில் முன்னேறவேண்டும். ட்ரஸ்ட் ஆரம்பித்து அவர்கள் படிக்க வழிசெய்வேன்.

* வலைஉலக நட்புகளுக்கு செய்கூலி,சேதாரம் இல்லாமல் விற்பனை செய்வேன்.

* கலப்படமில்லாத சுத்தமான தங்க நகைகளைதான் விற்பனை செய்வேன். அநியாயவிலைக்கு நகைகளை விற்கமாட்டேன்.

* இப்படி ஒரு வாழ்க்கையை ஏற்படுத்திக் கொடுத்த இறைவனுக்கு நன்றி செலுத்துவேன்.


**************



இந்த இடுகையை குட்பிளாக்ஸ் பகுதியில் தேர்ந்தெடுத்த யூத்புல் விகடன் ஆசிரியர் அவர்களுக்கும் விகடன் குழுவினருக்கும் என் நன்றிகள்.

,

Post Comment

கதை கேளு .. கதை கேளு ...

என்னை ஸ்கூல்ல சேர்க்கிறதுக்கு முன்னாடி நான், எங்க அம்மம்மா வீட்டுல இருப்பேன். எங்க தாத்தாவும் என்மேல ப்ரியமா இருப்பாங்க. ஏன்னா அவங்களுக்கு முதல் பேரப்பிள்ளை நாந்தான். நான் கேட்கிறதெல்லாம் வாங்கி தருவாங்க. நான் சேட்டை பண்ணினா கண்ணுல வெங்காயத்தை ஊத்திருவேன்ன்னு சொல்வாங்க. ஆனா சும்மா பயமுறுத்ததான் அப்படி சொல்றது. நான் நிஜத்துக்குன்னு நினைச்சி பயப்படுவேன்.

அதேமாதிரி எங்க வீட்டுக்கு வரும் டோப்பிக்கும் பயப்படுவேன். ஏன்னா அவரு வெத்தலை பெட்டி வச்சிருப்பாரு. அதுல உள்ள பாக்குவெட்டிய எடுத்து கண்ணுக்கு நேரா காட்டி மூக்கை வெட்டிருவேன்னு பயங்காட்டுவார். நான் இதுக்கெல்லாம் மசியிரா ஆளா. பயப்படுறமாதிரி நடிச்சிட்டு அவர் அங்கிட்டு போனதும் நம்ம சேட்டை ஆரம்பமாயிரும்.

தாத்தா பாட்டி வெளியூர் போனாலும் நான்கூட செல்வேன். எல சேக் சேட்டை பண்ணுனே நிமிட்டாம்பழம் கொடுத்துடுவேன், அதனால ஒழுங்கா இருக்கணும். அதென்ன நிமிட்டாம்பழம் என்று நீங்கள் கேட்பது புரிகிறது. அது வேற ஒண்ணும் இல்லை தொடையில் கிள்ளி விடுவதுதான். சில சமயங்கள் நான் நிறைய நிமிட்டாம்பழத்தை வஞ்சனையில்லாம வாங்கிக்குவேன்.

எனக்கு சின்னவயசில‌ கதை கேட்கிறது ரொம்ப பிடிக்கும். அதனால எங்க தாத்தாவும் பாட்டியும் கதை சொல்ல சொல்லி கேட்பேன். ஈனாம்பூச்சி கதை, புலிமச்சான் கதை, நல்லதங்காள் கதை, புட்டு தண்ணியா போன கதை இப்படி நிறைய கதைகள் உண்டு. இவை ரசிக்கும்படியான கதைகள்.

இந்தமாதிரி கதைகள்ல லாஜிக்கெல்லாம் பார்க்கப்படாதுன்னு முன்னாடி சொல்லிபுட்டேன் ஆமா...

எங்க தாத்தா சொன்ன கதைகள்ல ஒரு கதையை இங்கு பார்ப்போம்.

கதை கேளாத நாயி..

ஒரு ஊர்ல ஒரு பணக்காரன் இருந்தான். அவனுக்கு ஒரு மனைவி. அவர்கள் ஒருநாயை வளர்த்து வந்தனர். அவன் தினமும் காலையில் வேட்டைக்கு செல்லும் போது நாயையும் கூட அழைத்து செல்வான். வேட்டையாடியவற்றை அந்த நாயிடம் கொடுத்து அனுப்புவான். அவன் மனைவி அதை சமைத்து ரெடியாக்கி வைப்பாள். அவன் வேட்டையை முடித்து ஆற்றில் குளித்து விட்டு வருவான். தினமும் இதேமாதிரி வேட்டைக்கு செல்வதும் அவனது வாடிக்கையாகும்.

ஒருநாள் காலையில், அவன் நாயுடன் வேட்டைக்கு கிளம்பினான். வேட்டையில் ஒரு மான் சிக்கியது. அவனுக்கு ரொம்ப சந்தோசம். ஆஹா இன்னிக்கி சரியானவேட்டை, இதை அம்மாவிடம் கொடுத்து கறி சமைத்து வைக்க சொல்லு. நான் வேட்டையை முடித்து குளித்துவிட்டு வருவேன். சீக்கிரம் வீட்டுக்கு போ. நான் வருவேன். என்று நாயிடம் அந்த மானை கொடுத்து அனுப்பினான். நாயும் சரியென தலையாட்டியபடி சென்றது.

நாய் வேகமாக வந்துகொண்டிருந்தது. வழியில் ஒரு மரத்தடியில் நாலுபேர் உக்கார்ந்து கதை பேசிக் கொண்டிருந்தனர். அவர்கள் என்ன பேசுகிறார்கள் என்று கவனிக்க ஆரம்பித்தது. நாய் அவர்கள் பேசும் கதையில் லயித்தது. அப்படியே கதை கேட்டுக்கொண்டிருந்ததால் வீட்டுக்கு செல்வதை மறந்தது. எல்லோரும் பேசிமுடிந்ததும் கிளம்பினர். அப்போதுதான் நாயிக்கு ஞாபகம் வந்தது.., ஆஹா வீட்டுக்கு செல்ல மறந்துவிட்டதே என்றெண்ணி வேகமாக வீட்டுக்கு ஓடியது.

வேட்டைக்கு சென்ற பணக்காரன் குளித்துமுடித்து பசியோடு வீட்டுக்கு வந்தான். வீட்டில மனைவி சும்மா இருப்பதைக்கண்டு கோபமாகி சத்தம் போட்டான். நான் நாயிடம் அப்போதே கொடுத்துவிட்டேனே ஏன் இன்னும் சமைக்கலை., என்றான். என்னது நாயிடம் கொடுத்துவிட்டீங்களா நாய் இன்னும் வரவேஇல்லை. நான் என்ன செயவது.. என்றாள் மனைவி. வரட்டும் நாய் ஒரு கை பார்த்திடுதேன் என்று சொன்னான் மன‌தில்.

நாய் மூச்சிரைக்க ஓடிவந்தது. என்ன நாயே உங்கிட்ட அப்போதே கொடுத்துவிட்டேனே., எங்கே போய் தொலைந்தாய். சொல்லு நாயே. என்று அதட்டினான்.

இல்ல வருகிற வழியில் நாலுபேர் மரத்தடியில் உக்கார்ந்து கதை பேசிக்கிட்டு இருந்தனர். அவர்கள் கதையில் ஐக்கியமானதால் இவ்வளோ நேரமாயிருச்சி என்றது. அவனுக்கு கோபம் அதிகமானது. ஒரு புளியங்குச்சியை எடுத்து நாயை கதை கேளாத நாயி கதை கேளாத நாயின்னு அடிபின்னிட்டான்.

இப்படி நான் எங்க தாத்தாவிடம் கதை கேட்டுட்டு இருந்தபோது என் முதுகில் அடிவிழுந்தது. என்னன்னு பார்த்தா எங்க தாத்தா சிரிச்சிக்கிட்டே கதை கேளாத நாயின்னு செல்லமா அடித்தார்.

இதுதான் கதை கேளாத நாயோட கதை.

அன்புமிக்க நண்பர்களே!!

எனக்கு ஒரு எண்ணம் இந்த பதிவை தொடரிடுகையாக‌ ஆரம்பிக்கலாம் என்று எண்ணம். இதனை செயல்படுத்துவது உங்கள் கையில் உள்ளது. நண்பர்களே உங்களுக்கு சிறுவயதில் கதை கேட்ட அனுபவங்கள் இருப்பின் அதனை இங்கே
தொடராக எழுதுங்கள்.

என்கருத்து சரிதானே நண்பர்களே..

உங்கள் சின்ன வயதில் கதைகேட்ட அனுபவத்தை பகிர்ந்து கொள்ளுங்கள். குறைந்தது ஒரு மூன்று பேரையாவது இந்த தொடரை தொடர்ந்து எழுத அழையுங்கள்.

இந்த தொடரை தொடர இவர்களை அன்போடு அழைக்கிறேன்.

அக்பர்

நிஜாமுதீன்

ஹூசைனம்மா

ஸாதிகா மேடம்

கண்ணா

உங்கள் மேலான கருத்துக்களை எதிர்பார்த்தவனாக உங்கள் ஸ்டார்ஜன்.

,

Post Comment

பொண்ணு பார்க்க போறேன் - தொடர்பதிவு

சகோதரி அநன்யா மகாதேவன் என்னை ஒரு தொடர்பதிவுக்கு அழைத்துள்ளார். அது பொண்ணு பார்த்த கதையை பற்றி எழுத வேண்டும். அது ஒரு அருமையான காலம்.. இப்ப அந்த காலம் கிடைக்கவே கிடைக்காது.

நான் கல்யாணத்துக்கு முன்னாடியே சவூதிக்கு வேலைக்கு வந்துவிட்டேன். சிறிது காலம் சென்றதும் எனக்கு பொண்ணுபார்க்க என்பெற்றோர்கள் தீர்மானித்துவிட்டனர். நானும் பெண் நல்லா இருக்கவேண்டும்;அழகாகவும் கலராகவும் இருக்க வேண்டும், என்னோட உயரத்துக்கு ஏற்றமாதிரி இருக்கவேண்டும், நல்லா என்னைமாதிரி பெண் படித்து இருக்கவேண்டும், இப்படி நிறைய கண்டிஷனெல்லாம் போட்டது கிடையாது.

நான் ஒரே வார்த்தைதான் சொன்னேன்; எப்படி இருந்தாலும் பரவாயில்லை.., உங்களுக்கு பிடித்திருந்தால் எனக்கு போட்டோவை மெயிலில் அனுப்புங்கள் என்றேன். ஆனாலும் என் அப்பாவும் அம்மாவும் மாமாவும் எனக்காக பெண்பார்க்க ஆரம்பித்தார்கள். சும்மா சொல்லக்கூடாது பெண் தேடோ தேடென்று தேடினார்கள். பெண் சரியாக அமையவே இல்லை. நிறைய ஊர்களில் பெண் தேடினார்கள். நான் ஊருக்கு வரும் காலமும் நெருங்கிக் கொண்டிருந்தது. என் அப்பாவுக்கு கவலையாக இருந்தது.

ஊருக்கு வந்தவுட‌ன் பெண் அமைந்து கல்யாணம் நடந்து ஒரே மாதத்தில் ஊருக்கு செல்ல வேண்டிய கட்டாயமானால் என்ன செய்வது என்ற கவலை எங்க எல்லோருக்கும். ஆனால் என்னவள் சீக்கிரம் என்னைத்தேடிவருவாள் என்ற எண்ணமே என் மனதில் ஓடிக் கொண்டிருந்தது. 2008 ஜூன் மாதம் 8ம் தேதி ஒருபெண் அமைஞ்சது. போன உடனே பெண்பிடித்துவிட்டது. அன்றே பெண்வீட்டில் பேசினார்கள். போட்டோவும் பரிமாறப்பட்டது. மறுநாள் என் தம்பி மெயிலில் போட்டோவை அனுப்பிவைத்தான். எனக்கு ஒரே சந்தோஷம். போட்டோவில் என்னவள் முகம் பார்த்ததும் உடனே பிடித்துபோனது இருவருக்கும்.

நிச்சயதார்த்தம் ஆகஸ்டு 18ம்தேதி என்றும் டிசம்பரில் கல்யாணம் என்றும் முடிவு எடுக்கப்பட்டது. எல்லாம் ஓகே. ஆனால் இன்னும் இருவரும் பேசலியே.. அம்மாவிடம் அவங்க வீட்டு செல்நம்பர் கேட்டேன். அம்மா மறுத்துவிட்டர்கள். கல்யாணத்துக்கு முன்னாடி பேசினால் எதாவது தவறுதலாக பேசி கருத்துவேறுபாடு ஏற்பட்டுவிடலாம் என்ற பயம் அவங்களுக்கு.

இப்படியே 2 மாதங்கள் ஓடிவிட்டன. போன் நம்பர் தெரியவேஇல்லை. நிச்சயதார்த்த‌துக்கு 10 நாட்களுக்கு முன்னர் என் மாமா பையனிடம் டேய்மாப்ள அவங்க வீட்டுநம்பர் எப்படியாவது தாடா என்றேன். அவனும் எங்கம்மா செல்போனில் இருந்து அவங்க அப்பா நம்பரும் அவங்க வீட்டு நம்பரும் கொடுத்தான், நிச்சயம் முடியகிறவரைக்கும் பேசக்கூடாது என்ற நிபந்தனையுடன்.

திங்கள்கிழமை நிச்சயதார்த்தம். வெள்ளிக்கிழமை மாலை அவங்க அப்பாவுக்கு போன் செய்தேன் மனதில் ஒரு குறுகுறுப்புடன்.
ஹலோ நான் சவுதியிலிருந்து ஷேக் பேசுறேன்.. என்றேன்.
எந்த சேக்!! நீங்க யாருன்னு தெரியலியே.. என்றார் மாமா.
உங்க வருங்கால மருமகன் சேக். திருநெல்வேலியிலிருந்து பொண்ணு பார்த்துட்டுபோனாங்களே.. எனக்குதான் பெண் பார்த்தாங்க.. என்றேன்.

அறிமுகம் ஆனதும் கருத்துக்கள் பரிமாறப்பட்டன.

நிச்சயதார்த்தமும் இனிதே நல்லமுறையில் நடந்தேறின. அக்பர் ஊருக்கு சென்றிருந்ததால் அக்பரும் என்னுடைய நிச்சயதார்த்ததில் கலந்து கொண்டார். நிச்சயதார்த்தம் முடிந்த மறுநாள் காலை சவூதி நேரம் 9.30 மணிக்கு என்னவள் வீட்டுக்கு போன் செய்தேன்.

ஹலோ நான் சவுதியிலிருந்து சேக் பேசுறேன்.. என்றேன் ம‌னதில் குறுகுறுப்புடன்

ஹலோ யாரு.. ஆ!! நீங்களா நல்லாருக்கீங்களா..நல்லாருக்கீங்களா இருங்க அம்மாட்ட கொடுக்கிறேன். என்ற குரலில் என்னவள் குடியேறினாள் என் இதயத்தில்.

ஹலோ நான் மாமி பேசுறேன்.. நல்லாருக்கீங்களா. என்று பேசினாங்க மாமி.

நலம் விசாரித்ததும் அவங்க வீட்டுல எல்லோரும் பேசினார்கள். என்னவளிடம் என்னை அறிமுகம் செய்து கொண்டேன். பின்னர் தொடர்பு கொள்கிறேன் என்று வாய் சொல்லியது மனசே இல்லாமல்.

நான் பேசுவேன் பேசுவேன் என்று இரவு முழுவதும் என்னவளை விழிக்கவைத்தது, மனதுக்கு கஷ்டமானது.

தினமும் மிஸ்டுகால்கள் கொடுப்பேன்; அப்பப்ப பேசிக்கொள்வோம்.

இப்படியா நடந்தேறியது ஸ்டார்ஜன் தம்பதியினர் திருமணம்.

இந்த தொடரை தொடர்ந்து எழுத நான் அழைப்பது

அக்பர்

செ.சரவணகுமார்

உங்கள் மேலான கருத்துக்களை எதிர்பார்த்தவனாக உங்கள் ஸ்டார்ஜன்.

,

Post Comment

எனக்கு பிடித்த 10 பெண்கள்

எனது அன்பு நண்பர் சைவகொத்துப்பரோட்டா அவர்கள் எனக்கு பிடித்த 10 பெண்கள் தொடர்பதிவுக்கு அழைத்துள்ளார். அவர் அழைப்புக்கு இணங்க இந்த இடுகை.

நிபந்தனைகள் :-

உங்களின் சொந்தகாரர்களாக இருக்க கூடாது.,
வரிசை முக்கியம் இல்லை.,
ஒரே துறையில் பல பெண்மணிகள் நமக்கு
பிடித்தவர்களாக இருக்கும்,
இந்த பதிவுக்கு வெவ்வேறு துறையில் பத்து
நபர்கள்...சரியா..?


1. அன்னை தெரசா

இந்த பெயரை உச்சரிக்காத இந்தியர்கள் யாரும் இருக்க முடியாது. அல்பேனியா நாட்டில் பிறந்து இந்தியர்களின் நலனுக்காக தன் சொத்துசுகம், சொந்தபந்தம் அனைத்தையும் தியாகம் செய்து இந்திய நாட்டுக்காக தன்னையே அர்பணித்தவர்.

2. இந்திரா காந்தி

இந்தியாவின் முதல் பெண் பிரதமர். இவர் நேருவின் மகள். காங்கிரஸ் கட்சியின் வளர்ச்சிக்கு பெரிதும் பாடுபட்டவர்.

3. சோனியா காந்தி

இவர் இந்திரா காந்தியின் மருமகள். இப்போதைய காங்கிரஸ் தலைவர். ராஜீவ் காந்தியின் மறைவுக்கு பின் பாரம்பரியமிக்க காங்கிரஸ் கட்சி சிதறுண்டு போகும் நிலையில் இருந்தது. அப்போது இவர் தலைமையேற்று கட்சியை வலுப்படுத்தினார். இவரால் தான் இப்போதைய காங்கிரஸ் கட்சி நாட்டின் ஒரு பெரிய கட்சியாக விளங்குகிறது. இவரின் தன்னம்பிக்கை, நிர்வாகத் திறமை உழைப்பு இவர் வெற்றிக்கு அடையாளம்.

4. ஜெயலலிதா

இவர் இப்போதைய அ.இ.அ.தி.மு.க கட்சியின் பொது செயலாளர். திரு.எம்ஜிஆர் அவர்கள் ஆரம்பித்த அதிமுக கட்சி தமிழ்நாட்டின் பெரிய கட்சியாக‌ சிறந்து விளங்க‌ இவரே காரணம். எம்ஜிஆர் மறைவுக்கு பின்னர் கட்சி சிதைந்து விடாமல் காப்பாற்றியவர். இவரின் தன்னம்பிக்கை, நிர்வாகத் திறமை உழைப்பு இவர் வெற்றிக்கு அடையாளம்.

5. ராமலட்சுமி

இவர் திருநெல்வேலியின் புகழ்பெற்ற கைராசி மிக்க டாக்டர். நெல்லையில் உள்ள இவரின் மருத்துவமனைக்கு செல்லாத பெண்களே இல்லை எனலாம். மகபேறு, குழந்தையின்மை, பெண்களின் பிரச்சனைகள் போன்றவற்றுக்கு இவர் மருத்துவமனைக்கு சென்றால் தீர்வு காணலாம். இப்போது இவரைப் போல இவர் மருமகள் மதுபாலாவும் சிறந்த டாக்டர். இருவரும் நெல்லை பெண்களுக்கு கைராசிமிக்க மருத்துவர்கள்.

6. சுதா நாராயணன்

இவர் இன்போஷிஸ் நிறுவனத்தின் நாராயணமூர்த்தியின் மனைவி. அந்த நிறுவனத்தை துவக்கவும், வளர்க்கவும், உறுதுணையாக இருந்து, இதற்காக அவருக்கு வந்த நல்ல வேலை வாய்ப்பினையும் விட்டு கொடுத்தவர், என இன்று வரை அவர் கணவரால் போற்றப்படும் பெண்மணி.

7. உமா மகேஸ்வரி

இவர் நெல்லையின் முன்னாள் மேயர். நெல்லையில் முதன்முதல் மாநகராட்சி முறை கொண்டு வந்தபோது நெல்லையின் முதல் பெண் மேயராக தேர்ந்தெடுக்கப்பட்டார். இவரது நிர்வாகத்தில் நெல்லையில் முன்னேற்றங்கள் ஏற்பட்டது எனலாம்.

8. S.ஜானகி

இவர் பிரபல பிண்ணனி பாடகி. எல்லா விதமான பாடல்களையும் பாடி தமிழ்நாட்டு மக்களை ஈர்த்தவர். இனிமையான குரலுக்கு சொந்தக்காரர்.

9. ரேவதி

இவர் முன்னாள் நடிகை. தனது அற்புத நடிப்பால் தமிழ்நாட்டு மக்களின் இதயங்களை கொள்ளை கொண்டவர்.

10. வசந்த குமாரி

இவர் நாகர்கோவிலை சேர்ந்தவர். ( பெயர் சரியா.. ). இவர் தான் தமிழ்நாட்டு முதல் பெண் பேரூந்து ஓட்டுனர். எல்லோரும் கேலி செய்த நேரத்தில் தன் திறமையைக் கொண்டு முன்னேறிய‌வர்.


இந்த பெண்மணிகளை போன்று நம்நாட்டில் பலதுறைகளில் பெண்கள் முன்னேறி வருகிறார்கள். அவர்கள் அனைவருக்கும் என்னுடைய வாழ்த்துகள்.

இந்த தொடரை தொடர இவர்களை அன்போடு அழைக்கிறேன்.

1. கோவி.கண்ணன்
2. ஜெகநாதன்
3. ஷங்கி


உங்கள் மேலான கருத்துக்களை எதிர்பார்த்தவனாக உங்கள் ஸ்டார்ஜன்.

,

Post Comment

கிரிக்கெட் - தொடர்பதிவு ...

நண்பர் நர்சிம் அவர்களும் டி.வி.ராதாகிருஷ்ணன் சாரும் கிரிக்கெட் தொடர்பதிவுக்கு அழைத்துள்ளனர். அவர்களுக்கு என் நன்றிகளை தெரிவித்துக் கொள்கிறேன்.

இத்தொடர்பதிவின் விதிமுறைகள்:

1. உண்மையை மட்டுமே சொல்லவேண்டும்.
2. தற்போது கிரிக்கெட் விளையாடும் வீரர்கள் மட்டுமே குறிப்பிடவேண்டிய அவசியமில்லை
3. குறைந்தது இருவரையாவது தொடர்பதிவுக்கு அழைக்கவேண்டும்.

**************************************



1. பிடித்த கிரிக்கெட் வீரர்? (கள்?) : சச்சின் டெண்டுல்கர், கங்குலி

2. பிடிக்காத கிரிக்கெட் வீரர்? : சடகோபன் ரமேஷ்

3. பிடித்த வேகப்பந்துவீச்சாளர் : ஜாகீர்கான் , வாசிம் அக்ரம்

4. பிடிக்காத வேகப்பந்துவீச்சாளர் : டெபாஷிஸ் மொகந்தி

5. பிடித்த சுழல்பந்துவீச்சாளர் : ஷேன் வார்ன், ஹர்பஜன் சிங், முரளிதரன்

6. பிடிக்காத சுழல்பந்துவீச்சாளர் : யாருமில்லை

7. பிடித்த வலதுகை துடுப்பாட்ட வீரர் : முகம்மது அசாருதீன், சச்சின்

8. பிடிக்காத வலதுகை துடுப்பாட்ட வீரர் : யூசுப் பதான்

9. பிடித்த இடதுகை துடுப்பாட்டவீரர் : கங்குலி, லாரா

10. பிடிக்காத இடதுகை துடுப்பாட்ட வீரர் : வினோத் காம்பிளி

11. பிடித்த களத்தடுப்பாளர் : ஜான்டி ரோட்ஸ்

12. பிடிக்காத களத்தடுப்பாளர் : இன்ஷமாம் உல் ஹக்

13. பிடித்த ஆல்ரவுண்டர் : கபில்தேவ், ஜெயசூர்யா, அப்ரிடி,...

14. பிடித்த நடுவர் : நேர்மையாக தீர்ப்பு சொல்பவர்

15. பிடிக்காத நடுவர் : ஒரே அணிக்கு சப்போர்ட்டாக இருப்பவர்

16. பிடித்த நேர்முக வர்ணனையாளர் : ரவி ராஸ்திரி, டோனி கிரேக்

17. பிடிக்காத நேர்முக வர்ணனையாளர் : சித்து

18. பிடித்த அணி : இந்தியா

19. பிடிக்காத அணி : ஸ்காட்லாந்து

20. விரும்பி பார்க்கும் அணிகளுக்கிடையேயான போட்டி : எல்லா மேட்சும் பார்ப்பேன்.

21. பிடிக்காத அணிகளுக்கிடையேயான போட்டி : எதுவுமில்லை

22. பிடித்த அணி தலைவர் : அசாருதீன், ஸ்டீவ் வாக், கங்குலி

23. பிடிக்காத அணித்தலைவர் : ஸ்மித் தென் ஆப்ரிக்கா

24. பிடித்த போட்டி வகை : முன்னாள் ஒன்டே மேட்ச், இப்போது 20/20

25. பிடித்த ஆரம்ப துடுப்பாட்ட ஜோடி : கங்குலி_ சச்சின், ஜெயசூர்யா_கலுவிதரனா, கில்கிறிஸ்ட்_ஹைடன்.

26. பிடிக்காத ஆரம்ப துடுப்பாட்ட ஜோடி : சடகோபன் ரமேஷ்_ சேவாக்

27. உங்கள் பார்வையில் சிறந்த டெஸ்ட் வீரர் : டிராவிட்

28. சிறந்த கிரிக்கெட் வாழ்நாள் சாதனையாளார் : சச்சின் டெண்டுல்கர்



****************************************

திரு நர்சிம் அவர்களுக்கும் டி.வி.ராதாக்கிருஷ்ணன் சார் அவர்களுக்கும் என் நன்றிகள்.


தொடரை தொடர இவர்களை அழைக்கிறேன்.

1. அக்பர்

2. மோகன்குமார்

3. ஜெரி ஈசானந்தா சார்

4. அபு அஃப்ஸர்

5. பிரியமுடன் வசந்த் .

Post Comment

பதின்ம வயது நினைவுகள் - தொடர்பதிவு

பதின்ம (டீன்ஏஜ்)கால நினைவுகள் . அண்ணன் கோவி.கண்ணன் அவர்கள் என்னை ஒரு தொடர்பதிவிற்கு அழைத்துள்ளார். அது டீன்ஏஜ் பருவமான 13 முதல் 19 வயது வரையிலான பள்ளி கல்லூரி கால நினைவுகளை பற்றி எழுத வேண்டும்.

எனக்கு 13 வயது ஆகும்போது எட்டாம்வகுப்பு படித்துக் கொண்டிருந்தேன். எட்டாம்வகுப்பு பி பிரிவில் புதிதாக சாந்தா டீச்சர் எங்களுக்கு வகுப்பாசிரியராக வந்தார். அக்பர் எட்டாம்வகுப்பு அ பிரிவு. அவங்களுக்கு தலைமையாசிரியர் பெலிக்ஸ் சார் தான் வகுப்பாசிரியர். எங்கள் பள்ளியின் மாணவர் தலைவனாக என் வகுப்பை சேர்ந்த லட்சுமிசங்கர் இருந்தான் . அவன் ஒரு மாதத்தில் வேறு பள்ளிக்கு சென்று விட்டான். அதனால் பள்ளியின் புதிய மாணவர் தலைவன் தேர்ந்தெடுப்பது பற்றி விவாதம் நடைபெற்றது. நான் பெலிக்ஸ் சாரிடம் சார் நான் மாணவர் தலைவனாகிறேன் என்றேன். சரி என்று என்னை நியமித்தனர். எனக்கு அந்த பதவி ஒத்துவரவில்லை, அதனால் நான் விலகிக் கொண்டேன் . அந்த பதவிக்கு அக்பர் வந்தார்.

எட்டாம்வகுப்பு வந்ததும் என்னுடன் படிக்கும் சில மாணவிகளில் மாற்றங்களை கண்டேன். தாவணியெல்லாம் போட்டு வந்தனர். அவர்களில் ஒரு மாணவி என் நெருங்கிய தோழி. அவளை பார்த்ததும் என்ன அக்கா சவுக்கியமா என்றேன். எல சேக், அடிவாங்காதே ! என்ன அக்கா , பேரச்சொல்லி கூப்பிடு என்றாள் . எட்டாம் வகுப்பு படிக்கும்போது ஆண்டுவிழாவில் மாறுவேடப் போட்டியில் சின்ன வயதிலிருந்தே எனக்கு படிப்பில் ரொம்ப ஆர்வம் உண்டு. கருத்தாய் படித்து நல்ல மதிப்பெண்கள் பெற்றேன்.

நான் படித்த புனித அந்தோணியார் பள்ளி நினைவுகளில் இன்றும் மறக்க முடியாதது நான் ஆண்டுதோறும் ஆண்டுவிழாவில் பரிசு வாங்குவது.

நான்காம் வகுப்பில் படிப்புக்கான முதல் பரிசு .

ஐந்தாம் வகுப்பில் படிப்புக்கான முதல் பரிசு.

ஆறாம் வகுப்பில் மாறுவேடப்போட்டியில் முதல் பரிசு.

எட்டாம் வகுப்பில் மாறுவேடப்போட்டியில் முதல் பரிசும் படிப்புக்கான இரண்டாம் பரிசு.

நான் படித்த புனித அந்தோணியார் பள்ளி ஒரு நடுநிலை பள்ளி . அதனால் ஒன்பதாம் வகுப்பு படிக்க வேறு பள்ளிக்கு செல்ல வேண்டும்.

அதனால் எங்கப்பா என்னை எங்கள் ஊரில் ஆண்கள் மேல்நிலைபள்ளியான காமராஜர் மாநகராட்சி மேல்நிலை பள்ளியில் சேர்த்து விட்டார்கள். அந்த பள்ளிக்கு சேர்வதற்க்கு முன்னால் நுழைவுத் தேர்வு எழுதி வெற்றி பெற்று அந்த பள்ளியில் சேர்ந்தேன்.

அந்த பள்ளியில் ஒன்பதாம்வகுப்பில் பி பிரிவில் என்னுடன் ஐந்துவரை படித்த என் நண்பன் நாகூர் மீரான் படித்தான். அவனைப் பார்த்ததும் மிக்க மகிழ்ச்சி . சார் 9 சி ப்ரிவில் என்னை சேர்க்க பதிவிட போனார் . உடனே நான் சார் என்னை 9 பி சேர்த்துடுங்க என்றேன் .

முதல் நாள் சேர்ந்ததும் மதியஉணவு இடைவேளை முடிந்து முதல் பாட வகுப்பு ஆரம்பித்தது . எனக்கு தண்ணீர் தாகம் எடுத்ததால் கிளாஸ்லீடர் மகேஷ்ஷிடம் சொல்லிட்டு தண்ணீர் குடித்துவிட்டு திரும்புவதற்குள் சார் வந்திட்டார். பள்ளிரூல்ஸ் எனக்கு தெரியாதா , விறுவிறுவென உள்ளே போயிட்டேன். உடனே சார் எல உள்ளே வரும்போது சொல்லிட்டு வரணுன்னு தெரியல அறிவிருக்கா என்று என்னை அடிக்க கையை ஓங்கினார். உடனே மகேஷ் சார் சார் அவன் நியூஅட்மிஷன் என்று சொல்லி காப்பாத்தினான். ஓ அந்தமூதியா போய்த்தொல என்று திட்டி அனுப்பினார். அதுமுதல் நான் எங்கு சென்றாலும் உள்ளே வரலாமான்னு கேட்டுட்டுதான் உள்ளே போவேன்.


எங்கள் வீட்டிலிருந்து பள்ளிக்கு ரோட்டுவழியாப் போனா நாலு கிலோமீட்டர். அதனால நானும் நாகூர் மீரானும் பள்ளிக்கு பொட்டக்குளம் வழியா நடந்தே பள்ளிக்கு செல்வோம்.

அந்த பள்ளியில் வளர்ந்தபையனெல்லாம் கலர் பேண்ட் போட்டு உள்ளே காக்கி டவுசர் போட்டுட்டு வருவாங்க. நான் டவுசர் மட்டும் தான் போட்டுட்டுபோவேன். ஏன்னா நான் கட்டையாத்தான் இருப்பேன். 11ம் வகுப்புக்குத் தான் பேண்ட் போட்டுவரணும்.

படிப்பில் கவனம் செலுத்தி படிக்க ஆரம்பித்தேன். பொதுவா மாநகராட்சி பள்ளிகளில் படிப்பு நல்லாச் சொல்லித் தரமாட்டாங்க. ஒப்பேத்துவாங்க, பசங்க ரவுடி பையன்களா ஆவாங்க‌ன்னு நிறைய கேள்விகள் உண்டு. ஆனால் இந்த காமராஜர் பள்ளி ஒரு விதிவிலக்கு . நல்ல கற்பித்து கண்டிப்பான ஆசிரியர்கள். கஷ்டப்படும் மாணவர்களை ஊக்குவிக்கும் ஆசிரியர்கள் , உதவி செய்யும் ஆசிரியர்கள் என்று ஆசிரிய ‍_ மாணவ பந்தம் ரொம்ப அருமையாக இருந்தது.


************************************


நான் இந்த அளவுக்கு முன்னேறி இருக்கேன் என்றால் எங்கப்பாதான் என்று சொல்வதில் எனக்கு ரொம்ப பெருமையாக உள்ளது.

அப்பா என்னை பள்ளியில் சேர்க்கப்போகிறாரா இல்லை குடும்ப சூழ்நிலை காரணமாக வேலைக்கு அனுப்பப்போகிறாரா என்று தெரியவில்லை. ஆனால் எங்கப்பா என்னை படிக்க வைத்து பெரிய ஆளாக்க வேண்டும் என்ற எண்ணம் . நாம் தான் படிக்க வில்லை , தன் மகன் படிக்க வேண்டும் என்று கஷ்டமான சூழ்நிலையிலும் என்னை படிக்க வைத்தார் .

அப்பாவுடைய உழைப்பு , தன்னம்பிக்கையும் விடாமுயற்சியும் என்னுடைய ஆர்வம் , படிப்பில் ஆர்வம் இதெல்லாம் சேர்ந்து என்னை கல்லூரியில் பிஎஸ்சி பட்டம் பெற வைத்தது. அதுமட்டுமல்ல என்னை படிக்க வைத்தது போல என் தங்கை தம்பிகளையும் எங்கப்பா அம்மா படிக்க வைத்தனர். ஊரில் எங்கள் தெருவில் உள்ள சில பணக்காரர்கள் உதவி செய்தனர். அவர்களையும் இந்த நேரத்தில் நினைவுகூர கடமைப்பட்டுள்ளேன்.

அப்பாவுக்கு நான் என்றென்றும் கடமைப்பட்டுள்ளேன்.
அப்பா எப்போதும் என்னிடம் ஒரு நண்பனைப்போல நடந்து கொள்வார் . ஆனால் கண்டிக்கவேண்டிய நேரத்தில் மிகுந்த கண்டிப்பு உண்டு.

அப்பா இப்போதும் எனக்கு உறுதுணையாக இருக்கின்றார். ஜின்னா மகனா அவன் நல்ல பையன்ன்னு பேர் வாங்கனும் . நாலுபேர் மதிக்க நாமும் வாழ்ந்து காட்டணும் . கெட்டவன்ன்னு ஒரு நிமிஷத்துல பேர் வாங்கிடலாம் ; ஆனால் நல்லவன்ன்னு பேர்வாங்க ரொம்ப நாளாகும் என்று சொல்வார். எந்த காரியத்தை செய்யும்முன் அப்பாவிடம் சொல்லி ஆலோசனை கேட்டுத்தான் செய்வேன்.


*********************************



இந்த தொடரை எழுத அழைத்த அண்ணன் கோவி.கண்ணனுக்கு என் நன்றிகளை தெரிவித்துக் கொள்கிறேன்.


இந்த தொடரை தொடர்ந்து இவர்கள் எழுதுவார்கள்.


1. நண்டு@நொரண்டு (எ) ராஜசேகர் சார்.

2. சேட்டைக்காரன்

3. சைவக்கொத்துப்பரோட்டா

4. அத்திரி

5. அபுல் பசர் - சின்ன சின்ன ஆசைகள் .

டிஸ்கி: மேலே உள்ள படத்தில் நான் இல்லை. ஏன்னா இது இணையத்தில் எடுத்தது.

Post Comment

என்னை பாதித்த திரைப்படங்கள் - பகுதி 2 ...

நண்பர் அக்பர் என்னை ஒரு தொடர்பதிவுக்கு அழைத்திருந்தார் . அது என்னவென்றால் நம்மை பாதித்த / பிடித்த ஐந்து திரைப்படங்களை பத்தி எழுத அழைத்திருந்தார் .

நான் , நேற்று எழுதிய பதிவில் என்னை சிறுவயதில் பாதித்த ஐந்து திரைப்படங்களில் 2 திரைப்படங்களை குறிப்பிட்டிருந்தேன் . அந்த பதிவினை பார்க்க இங்கே செல்லவும் .


மீதி உள்ள மூன்று திரைப்படங்களை இப்போது பார்க்கலாம் .




3. உன்னால் முடியும் தம்பி

உன்னால் முடியும் தம்பி திரைப்படத்தில் நம்ம உலக நாயகன் கமல்ஹாசன் , ஜெமினிகணேசன் , சீதா , ஜனகராஜ் மற்றும் பலர் நடித்திருந்தனர் . சூப்பர் ஹிட்டான படம் . பாலசந்தர் இயக்கி இருக்கும் இந்த படத்துக்கு இசைஞானி இளையராஜா இசையமைத்திருப்பார் . பாடல்கள் சூப்பர்ஹிட் . கேட்டுக்கொண்டே இருக்கலாம் .

வழக்கமான பாலசந்தர் படங்களில் இருந்து மாறுபட்ட படம் இது . ஆச்சாரமான சங்கீத வித்வான இருக்கும் ஜெமினி கணேசன் தன் மகன் கமலும் அப்படி இருக்க வேண்டும் என்று நினைக்கிறார் . ஆனால் எப்போதும் துருதுருவாக இருக்கும் கமல் இந்த ஆச்சாரமான வாழ்க்கையிலிருந்து விடுபட நினைக்கிறார் . இதனால் கண்டிப்புடன் இருக்கும் அப்பாவை சமாளித்து , தன் சமூக சீர்திருத்த கருத்துக்களால் அந்த கிராம மக்களை நல்வழிப்படுத்துகிறார் .

இந்த படத்தில் ஜெமினிகணேசன் ஒரு சங்கீத வித்வானாகவும் ஒரு கண்டிப்பான அப்பாவாகவும் வாழ்ந்திருக்கிறார் என்றே சொல்லலாம் . நடிப்பு அருமை . கமலும் இந்த படத்தில் நல்லா நடித்திருக்கிறார் . மீசை அரும்பிய வயதில் துருதுருவென கமல் போடும் ஆட்டமும் வயது வந்த பின் அனுபவமும் சூப்பர் .

சீதா இந்த படத்தின் ஹீரோயின் . கமலுக்கு ஏத்த ஜோடியாக நடித்திருக்கிறார் . இன்னொருவரை பற்றி குறிப்பிடவேண்டும் , அவர் தான் ஜனகராஜ் .

ஜனகராஜின் காமெடி ரொம்ப சூப்பர் . அதிலும் குடித்துவிட்டு தன் வீட்டை கயிறு கட்டி இழுக்கும் காட்சி ரொம்ப சூப்பர் .

நான் ரசித்து பார்த்த படம் ; நீங்களும் ஒரு தடவை பாருங்களேன் .

4 . முந்தானை முடிச்சு

முந்தானை முடிச்சு படத்தில் பாக்யராஜ் , ஊர்வசி , தீபா , தவக்களை மற்றும் பலர் நடித்திருப்பார்கள் . பாக்யராஜ்ஜின் டிரேடு மார்க் படம் . பாக்கியராஜ் இந்த படத்தில் வாத்யாராக நடித்திருப்பார் . அருமையான விசயங்களை படத்தில் சொல்லி இருப்பார் . நல்ல ரசனையாளர் பாக்யராஜ் . அருமையான காமெடியுடன் கூடிய நடிப்பு . முருங்கைக்காய் மேட்டரை மறக்க முடியுமா ... என்ன ....

படத்தில் காமெடி நடிகர்கள் இல்லாமலே பாக்யராஜும் , ஊர்வசி , பசங்க காமெடி ரொம்ப சூப்பர் .

ஊர்வசி இந்த படத்தில் ஹீரோயினாக அறிமுகமானார் . துருதுருவென வெகுளித்தனமாக சிறு ப‌சங்க கூட சுற்றித்திரியும் ஊர்வசி நல்லா நடித்திருப்பார் . அறிமுக காட்சியிலே அசத்தி இருப்பார் .

பாக்யராஜின் சக ஆசிரியராக வரும் தீபா ரொம்ப சூப்பர் . என்ன அருமை ! . அவர் பாடம் சொல்லிக்கொடுக்கும் போதும் வரும்போதும் , போகும்போதும் ஜொள்ளு விடும் கிழடுகட்டைகள் நல்ல தேர்வு .

இந்த படத்தை இப்போதும் சலிப்பு தட்டாமல் பார்க்கலாம் .

நான் மிகவும் ர்சித்த படம் ; நீங்களும் ஒரு தடவை பாருங்களேன் .

5 . கரகாட்டக்காரன்

கரகாட்டக்காரன் படத்தில் ராமராஜன் , கனகா , கவுண்டமணி , செந்தில் , காந்திமதி , சண்முகசுந்தரம் , சந்தானபாரதி மற்றும் பலர் நடித்திருப்பார்கள் .
கரகாட்டகலையை பத்தி சொன்ன இந்த படத்தை கங்கை அமரன் இயக்கி , இளையராஜா இசையமைத்திருப்பார் . பாட்டுக்கள் ரொம்ப அருமை . கேட்க கேடக அருமையான பாடல்கள் .

இந்த படத்தின் கதை உங்களுக்கு தெரிந்திருக்கும் . கவுண்டமணி செந்தில் காமெடி இன்னைக்கும் மக்களால் மறக்க முடியாதது .

நான் மிகவும் ரசித்து பார்த்த படம் ; நீங்களும் ஒரு தடவை பாருங்களேன் .

Post Comment

நானும் என் வரலாறும் - தொடர்பதிவு

நான் இந்த வலையுலகில் பதிவு எழுத ஆரம்பித்த பின் எத்தனை எத்தனையோ நண்பர்களாக நீங்கள் கிடைத்து உள்ளீர்கள் . அதில் , இப்போது கலிபோர்னியாவில் வசித்து வரும் நண்பர் ஷங்கி ( சங்கா ) வும் ஒருவர் . அவர் ஒரு தொடர்பதிவுக்கு அழைத்துள்ளார் .

அது என்னவென்றால் நாம் பதிவு எழுத வந்தததை பற்றிய அனுபவத்தை எழுத வேண்டும் .

எனக்கு சிறு வயதில் படிப்பதில் ரொம்ப ஆர்வம் உண்டு . பாடப்புத்தகங்கள் மட்டுமின்றி வாரமலர் ,சிறுவர்மலர் , ராணி காமிக்ஸ் படிக்கணுன்னா கொள்ளை பிரியம் . என்ன செய்வது நம்மளால தான் காசு கொடுத்து வாங்க முடியாதே !. எங்காவது கிடைக்குமா என்று தேடி அலைவேன் .

கடைகளில் மளிகை சாமான் வாங்கும் போது கடைக்காரரிடம் அந்த புத்தகங்கள் இருந்தால் தாங்கண்ணே படிச்சிட்டு தாரேன் என்று சொல்லி வாங்கிட்டு வந்து படிப்பேன் . அப்புறம் நூலகத்துக்கு சென்று புத்தகங்கள் படிக்க ஆரம்பித்தேன் .

எனக்கு நாவல் படிப்பதிலும் ரொம்ப ஆர்வம் . பட்டுக்கோட்டை பிரபாகர் , சுபா , ராஜேஷ்குமார் இவங்கள்லாம் என்னுடைய ஹீரோ கனவுக்கு வித்திட்டவர்கள் .இந்த கதைகளில் வரும் ஹீரோக்களாக என்னை நினைத்துக் கொள்வேன் .

அப்படி வளர்த்த கனவை இப்ப வரை தக்க வச்சிருக்கேனா ; நீங்களே சொல்லுங்க .

பின்னர் கல்லூரி படிப்பு முடித்தேன் . வேலை நம்மளைத் தேடி வராது ; நாமதான் வேலையை தேடணுமென்று வேலை தேட ஆரம்பித்தேன் . ஆரம்பத்தில் வேலை சரியாக அமைய வில்லை . முதலில் சேல்ஸ்ரெப் ,மெடிக்கல்ரெப் என்று போய்க் கொண்டிருந்தது .

அப்புறம் எங்க மாமா மூலம் டி வி எஸ் மோட்டார் வாகன கம்பெனியில் சூப்பர்வைசர் வேலை கிடைத்தது . அதில் படிபடியாக முன்னேறி அசிஸ்டெண்ட் மானேஜர் ஆனேன் . பின்னர் ஒரு கருத்து வேறுபாடு காரணமாக அங்கிருந்து வெளியேறினேன் .



அதன் பின்னர் இங்கே சவுதியில் வேலை பார்த்துக் கொண்டிருக்கிறேன் . வேலைக்கு சேர்ந்த புதிதில் இங்கே இணைய வசதி இல்லை . பின்னர் 2007 ல் தான் ப்ராட்பேண்ட் DSL கனெக்சன் கிடைத்தது . அப்போது ஆரம்பத்தில் தினமலர் இணையத்துக்கு தான் முதலில் செல்வேன் . ஏன்னா சிறுவயது ஞாபகமல்லவா ... சும்மா விடமுடியுமா என்ன ? ...

அப்புறம் நேரம் கிடைக்கும் போதெல்லாம் தினமலர் , தினத்தந்தி , தட்ஸ்தமிழ் என்று தமிழ் வெப்சைட் எல்லாம் போய் படித்தேன் . தமிழ் வெப்சைட் தேடும்போது தமிழ் நெட் மூலமா தமிழ்மணத்தின் லிங் கிடைத்தது .
அப்படி என்ன தான் தமிழ்மணத்தில் உள்ளது என்று போய் பார்த்தால் , உள்ளே நிறைய பொக்கிஷங்கள் புதைந்து கிடந்தன .

சென்ற வருடம் முதல் முதலா நான் படித்தது நண்பர் முரளிக்கண்ணன் பதிவை தான் . அவருடைய சினிமா உலகில் என்னையும் கலக்க வைத்தேன் . அப்புறம் பரிசல்காரன் , கோவி கண்ணன் , கேபிள் சங்கர் , வடகரை வேலன் , ஆசிப்மீரான் , உண்மைத்தமிழன் , சுரேஷ் சக்கரை , டாக்டர் சுரேஷ் ( பழனி ) , நர்சிம் , தாமிரா , டி வி ராதாக்கிருஷ்ணன் சார் , இப்படி எண்ணற்ற தலைகள் என்னுடைய வாசிப்புக்கு தீனி போட்டனர் .

அப்புறம் , சென்ற வருடம் அக்டோபர் இறுதியில் , நாமும் ஒரு வலைப்பதிவு ஆரம்பிக்கலாம் என்று எனக்கு தோன்றியது .

உடனே நான் , நாளைய ராஜா என்றொரு வலைப்பதிவை ஆரம்பித்தேன் . அதை தமிழ்மணத்தில் இணைத்து எழுத ஆரம்பித்தேன் .

பின்னர் நான் ஊருக்கு போக வேண்டிய நேரமும் வந்தது . எனக்கு ஊரில் பெண் பார்த்திருந்தார்கள் . நவம்பர் இறுதியில் ஊருக்கு சென்றேன் .

பின்னர் டிசம்பரில் கல்யாணம் முடித்து , நாலு மாசம் லீவும் நாலே நாளில் போனது போலிருந்தது . மீண்டும் சவுதிக்கே பயணப்பட்டேன் கடந்த ஏப்ரல் 9 ம் தேதியில் .

பின்னர் என் சோகத்தை மாற்ற மீண்டும் வலைப்பக்கம் வர ஆரம்பித்தேன் .

அப்புறம் நான் , நிலா அது வானத்து மேல! என்ற வலைப்பக்கத்தை ஆரம்பித்து இதோ உங்கள் முன் நிற்கிறேன் .

எனக்கு எண்ணற்ற நண்பர்கள் கிடைத்து இருப்பது இந்த வலையுலகின் மூலமா தான் .

என் எழுத்தைப் பார்த்து முதன்முதலில் வாழ்த்துக்கள் சொன்னது என் நண்பர் அக்பர் தான் .

இது போல என்னை ஊக்கப்படுத்தியது கோவி கண்ணன் , முரளிகண்ணன் , கேபிள் சங்கர் , உண்மைத் தமிழன் சரவணன் , வசந்த் ( பிரியமுடன் வசந்த் ) , டாக்டர் சுரேஷ் , டாக்டர் தேவா சார் , சென்ஷி , டி வி ராதாக்கிருஷ்ணன் சார் , எம் எம் அப்துல்லா , நையாண்டி நைனா , சங்கா , ஜெகநாதன் , சந்ரு , குறை ஒன்றும் இல்லை ராஜ்குமார் , சக்கரை சுரேஷ் , துபாய் ராஜா , நாஞ்சில் பிரதாப் , அபு அஃப்ஸர் , நவாஸ்தீன் , இன்னும் முகமறியா எத்தனை எத்தனையோ நண்பர்கள் .

அப்புறம் , மிஸ்டர் NO . இவரும் மிக மிக குறிப்பிடத்தக்கவர் .


இவர்களுக்கெல்லாம் என் நன்றியினை இந்த நேரத்தில் தெரிவித்துக் கொள்கிறேன் .

இங்கே பெயர் விடுபட்டவர்களுக்கும் என் நன்றியினை தெரிவித்துக் கொள்கிறேன் .

இந்த பதிவைத் தொடர , இந்த பதிவு யாரெல்லாம் எழுதலியோ அவங்க இந்த பதிவையே அழைப்பாக ஏற்று தொடர வேண்டுமென கேட்டுக் கொள்கிறேன் .

ஸ்டார்ஜன்

Post Comment

எல்லோரும் கொண்டாடுவோம் ... தொடர்பதிவு

எனது நெருங்கிய நண்பரும் பள்ளிக்கால தோழரும் வலைப்பதிவு வித்தகர் மச்சான் அக்பர் என்னை ஒரு அருமையான தொடர்பதிவுக்கு அழைத்திருக்கிறார் .

அது என்ன வென்றால் , நாம் கொண்டாடிய பண்டிகை பத்தி 10 கேள்விகளுக்கு பதில் அளிக்க வேண்டும் .

இதோ நான் கொண்டாடிய‌ ர‌ம்ஜான்

1) உங்க‌ளைப் ப‌ற்றி சிறு குறிப்பு ? .

சொந்த ஊர் திருநெல்வேலி . இப்போது சவுதி அரேபியாவில் கணணி பழுது சரிபார்க்கும் வேலை ( (Hardware service) ) செய்து வருகிறேன் . சென்ற வருடம் தான் திருமணமாகியது .

2) ரம்ஜான் என்ற‌வுட‌ன் உங்கள் நினைவிற்கு வ‌ரும் (ம‌ற‌க்க‌முடியாத‌) ஒரு ச‌ம்ப‌வ‌ம் ?

சிறு வ‌ய‌து இருக்கும் போது , ர‌ம்ஜான் பெருநாள் என்று நினைக்கிறேன் . நானும் என் த‌ங்கையும் வெளியில் விளையாடிக் கொண்டிருந்தோம் . நானும் அவ‌ளும் ப‌லூன் வைத்திருந்தோம் . என்னுடைய‌து உடைந்து விட்ட‌து .

நான் அவ‌ளுட‌ய‌தை கேட்டேன் , அவ‌ள் த‌ர‌வில்லை . உட‌னே , அவ‌ள் கையில் இருந்த‌ ப‌லூனை பிடித்து இழுத்தேன் . நான் இழுத்ததில் அவள் பக்கத்தில் இருந்த மடையில் ( கால்வாய் ) விழுந்திட்டாள் . உடனே நான் , அய்யயோ .. என் தங்கச்சி மடையில் விழுந்திட்டாள் ; காப்பாத்துங்க என்று கத்தினேன் . உடனே அந்த வழியா வந்த ஒருவர் என் தங்கையை மடையிலிருந்து தூக்கினார் . நான் அவருக்கு நன்றி சொன்னேன் .

3) 2009 ரம்ஜானுக்கு எந்த‌ஊரில் இருக்கிறீர்க‌ள்/இருந்தீர்க‌ள் ?

சவுதியில் இருந்தேன்.


4) த‌ற்போது இருக்கும் ஊரில் கொண்டாடும் ரம்ஜான் ப‌ற்றி ஒருசில‌வ‌ரிக‌ள் ?

இங்கு (சவுதியில்) நோன்பு நோற்கும் 30 நாளும் கடைகளை மதியத்திற்கு மேல் திறந்து இரவு 1 மணிக்கு அடைப்பார்கள். அதன் பின் சமைத்து நோன்பு வைத்து தொழுதுவிட்டு தூங்கினால் மதியம் தான் எழும்புவோம். மக்கள் 30 நாளும் செழிப்பாகவும் , மகிழ்ச்சியாகவும் இருப்பார்கள். ரம்ஜானுக்கு மூன்று நாள் விடுமுறை.

5) புத்தாடை எங்கு வாங்கினீர்கள் ? அல்லது தைத்தீர்க‌ளா ?

நான் ஊரில் இருக்கும் போது , நெல்லை ஆரெம்கேவி , போத்தீஸ் ல் தான் ரெடிமேட் வாங்குவேன் . ரெடிமேட் தான் என் தேர்வு .

6) உங்கள் வீட்டில் என்ன‌ப‌ல‌கார‌ம் செய்தீர்க‌ள் ? அல்ல‌து வாங்கினீர்க‌ள் ?

எப்போதுமே வீட்டில் ரம்ஜான் அன்று காலையில் தோசை, இட்லி செய்து சாப்பிடுவோம். மதியம் பிரியாணியை ஒரு பிடிபிடித்து தூங்க வேண்டியது தான். சமையல் அம்மா.

7) உறவினர்களுக்கும், நண்பர்களுக்கும் எவ்வாறு வாழ்த்துக்களைத் தெரிவிக்கிறீர்கள். (உ.ம். மின்னஞ்சல், தொலைபேசி, வாழ்த்து அட்டை) ?

எல்லோருக்கும் தொலைபேசியில் வாழ்த்துக்கள் தெரிவித்தேன் . உங்க‌ளுக்கு வலைப்பதிவின் மூலம் வாழ்த்துக்கள் தெரிவித்தேன் .

8) ரம்ஜான் அன்று வெளியில் சுற்றுவீர்க‌ளா ? அல்ல‌து தொலைக்காட்சி நிக‌ழ்ச்சிக‌ளில் உங்க‌ளைத் தொலைத்துவிடுவீர்க‌ளா ?

ஊரில் தொழுதுவிட்டு வந்தவுடன் சாப்பாடு பின்பு தூக்கம் சாயங்காலம் சினிமாவுக்கு போவது இப்படி நேரம் கழிந்து விடும். சவுதியில் இருக்கும் போது மூன்று நாளும் வெளியில் தான் சுற்றுவோம். ச‌வுதியில் வேறெந்த‌ பொழுது போக்குமில்லை .


9) இந்த‌இனிய‌நாளில் யாருக்கேனும் ஏதேனும் உத‌வி செய்வீர்கள் எனில், அதைப் ப‌ற்றி ஒருசில‌வ‌ரிக‌ள் ? தொண்டு நிறுவ‌ன‌ங்க‌ள் எனில், அவ‌ற்றின் பெயர், முகவரி, தொலைபேசி எண்கள் அல்லது வ‌லைத்த‌ள‌ம் ?.

நான் ஒவ்வொரு ர‌ம்ஜானுக்கும் , கஷ்டப்படுகிற‌வர்களுக்கு என்னால் முடிந்த‌ உத‌விக‌ளை செய்வேன் . இதற்காக இறைவனிடம் வேண்டிக் கொள்வேன் .

10)நீங்க‌ள் அழைக்க‌விருக்கும் இருவர், அவர்களின் வ‌லைத்த‌ள‌ங்க‌ள் ?.

அபு அஃப்ஸ‌ர் ( என் உயிரே ) , முர‌ளிகண்ண‌ன் ( நீரோடை )

Post Comment

பிடிக்குமா .. பிடிக்காதா .. தொடர்பதிவு

தமிழ்நாட்டின் விடிவெள்ளியாய் உதித்து ,
பார் போற்றும் வலையுலகில் , தன்
எழுத்துக்களால் முத்திரை ப‌தித்து ,
இறைவ‌ன் அருளால் உயர்ந்து நிற்கும் ,

என் அருமை ந‌ண்ப‌ர் ப‌ழ‌னி வ‌ள்ள‌ல் டாக்ட‌ர் சுரேஷ் அவ‌ர்க‌ள் என்னை ஒரு அருமையான‌ தொட‌ர்ப‌திவுக்கு அழைத்திருக்கிறார் .

அது என்ன‌வென்றால் , பல துறைகளை சேர்ந்த , ந‌ம‌க்கு பிடித்தவர் , பிடிக்காத‌வ‌ர் ப‌த்தி எழுத‌ வேண்டும் . தொட‌ர்ப‌திவு எழுதுவ‌து என‌க்கு ஜாலியான‌ ஒன்று . என‌க்கு ரொம்ப‌ பிடிக்கும் . டாக்ட‌ர் சுரேஷ் அவ‌ர்க‌ளுக்கு ந‌ன்றியினை சொல்லியவாறே ப‌திவுக்குள்ள‌ போக‌லாமா ...

1 . அர‌சிய‌ல் த‌லைவ‌ர்

பிடித்த‌வ‌ர் : வேற‌ யாரு ... ந‌ம்ம‌ டாக்ட‌ர் க‌லைஞ‌ர் தான் .
அண்ணாவின் அருமைத் த‌ம்பியாய் ,
ஆருயிர் த‌ம்பிக‌ளுக்கெல்லாம் அருமை அண்ணனாய் ,
இய‌ல் இசை நாட‌க‌மாய் இருக்கும் செந்தமிழின் காவ‌ல‌னாய் ,
ஈடு இணையில்லாத‌ அர‌சிய‌ல் சாண‌க்கிய‌ராய் ,
உளியின் ஓசை நாய‌க‌ராய் ,
ஊரும் பாரும் போற்றும் த‌மிழ‌க‌ முத‌ல்வ‌ராய் ,
உயர்ந்து நிற்கும் டாக்ட‌ர் க‌லைஞ‌ர் .

பிடிக்காத‌வ‌ர் : அர‌சிய‌ல்ல‌ நிரந்திர‌ ந‌ண்ப‌னும் கிடையாது ; நிர‌ந்திர‌ எதிரியும் கிடையாது , என்று சொல்வார்க‌ள் .

2 . எழுத்தாள‌ர்

பிடித்த‌வ‌ர் : தொலைந்து போன என் இனிய‌ இயந்திரா ,

பிடிக்காத‌வ‌ர் : நான் தான் . ( ஹிஹிஹி ... )

3. க‌விஞ‌ர்

பிடித்த‌வ‌ர் : வாலிப‌ க‌விஞ‌ர் வாலியும் , முத்திரை க‌விஞ‌ர் வைர‌முத்துவும் ,

பிடிக்காதவ‌ர் : விஜ‌ய‌ டி ஆர் .

4 . இய‌க்குன‌ர்

பிடித்த‌வ‌ர் : ம‌ணிர‌த்ன‌ம் . இவ‌ர் ப‌ட‌ங்க‌ள் ம‌ணி ம‌ணியா இருக்கும் . ஆனா ஒண்ணு இவ‌ர் ப‌ட‌த்தை பாக்கும் போது காதை ரொம்ப‌ தீட்டிக்கிற‌னும் .

பிடிக்காத‌வ‌ர் : க‌ம‌ல்ஹாச‌ன் .

5. ந‌டிக‌ர்

பிடித்த‌வ‌ர் : ந‌ம்ம‌ சூப்ப‌ர் ஸ்டார் தான் .

பிடிக்காத‌வ‌ர் : ஒ ஜி மகேந்திர‌ன் .

6 . விளையாட்டு

பிடித்த‌து : கிரிக்கெட் .

பிடிக்காத‌து : கால்ப‌ந்து .

7 . பேச்சாளர்

பிடித்தவர் : திண்டுக்கல் ஐ லியோனி

பிடிக்காதவர் : வெட்டியா பேசி பொழுதை போக்குபவர் .


அப்பாடி ... இந்த 7 லோட கேள்வி முடிஞ்சிருச்சா ... ஏழு கேள்விக்கு பதில் சொல்றதுக்குள்ள ....

இத்தொடர் இடுகையின் விதிகள்:

1. நம் பிடித்தவர், பிடிக்காதவர் பட்டியலில் வருபவர் தமிழகத்தைச் சார்ந்த, பிரபலமாக இருக்க வேண்டும்.
2. இதைத் தொடர இரண்டு முதல் ஐந்து பதிவர்களை அழைக்க வேண்டும்
3. ஏழு முதல் பத்துக் கேள்விகள் கண்டிப்பாக இருக்க வேண்டும்.

இந்த பதிவினைத் தொடர நால்வரை நான் அழைக்கிறேன் .

1. கோவி கண்ணன் ( காலம் )

2 . அக்பர் ( சினேகிதனே )

3 . பிரபாகர் ( எண்ணத்தை எழுதுகிறேன் )

4 . நையாண்டி நைனா .

Post Comment

அழகாய் பூ பூத்ததே - தொடர்பதிவு

எனது அருமை நண்பர் நையாண்டி நைனா அவர்கள் ஒரு தொடர்பதிவுக்கு அழைத்திருந்தார் . அவர் அழைத்து ஒரு வாரத்துக்கும் மேல் ஆகி விட்டது .
பதில் பதிவு போட நாட்கள் ஆகி விட்டன .

அழகு , காதல் , பணம் , கடவுள் , இதை பற்றி எழுத சொல்லி இருந்தார் .

அழகு

அழகு என்ற வார்த்தையே ஒரு அழகு தான் . அழகாய் இருப்பதெல்லாம் அழகு தான் .

காதல்

காதல் , ஒவ்வொரு மனிதனையும் கடந்து போகின்ற ஒரு மெல்லிய நூலிழையை போன்றது . காதல் , ஒரு மனிதனின் வாழ்வில் ஏறபடுகின்ற திருப்புமுனை .

காதல் உங்களுக்குள்ளும் உண்டு , எனக்குள்ளும் உண்டு .காதல் இல்லாமல் யாரும் இருக்க முடியாது .

பதினெட்டு வயசுல வர்றது மட்டும் காதல் இல்லை . எல்லா வயதிலும் வரும் .

காதல் பல வகை உண்டு .

கண்டதும் காதல் , பார்க்காத காதல் , இணைய காதல் , ஒரு தலைக்காதல் , நிச்சயதார்த்த காதல் , கல்யாணமான பிறகு வரும் காதல் , சிறுவயது காதல் , வயதான பிறகு வரும் காதல் இப்படி ஏகப்பட்ட காதல்கள் இந்த அவனியிலே உண்டு .

பணம்

பணம் , இன்றைய சூழ்னிலையில் ஒருவனுடைய தகுதியை நிர்ணயிக்ககூடியதா உள்ளது .

என்ன செய்வது பணம் இல்லையென்றால் எதுவும் இல்லை என்ற சூழ்னிலையில் இருக்கிறோம் .

கடவுள்

இந்த வலைஉலகுக்கு வந்த பின் எனக்கு நிறைய நண்பர்களை தந்த இறைவனுக்கு என் நன்றிகள் .

என் எழுத்து திறமையை வளமாக்கி தந்த என் இறைவனுக்கு நன்றிகள் .

கடைசியா ஒரு சின்ன கவிதை

உன் முதல் பார்வையே தோன்றியது அழகாய் !
நானும் நீயும் காதல் என்னும் இன்ப வெள்ளத்தில் நீந்தினோம் !!
நம் வாழ்வு சிற‌க்க தேடினேன் பணத்தை ஒரு வேலையின் மூலம் !!!
நம் இல்லறத்தை நல்லறமாக்கிய இறைவனுக்கு நன்றிகள் !!!! .

ஸ்டார்ஜன்

Post Comment

என்னை பத்தி - தொடர்பதிவு

திரு தங்க ராஜ் செல்வேந்திரன் என்னை ஒரு அருமையான தொடர்பதிவுக்கு அழைத்துள்ளார் .

அந்தத் தொடர்பதிவு ஆங்கில எழுத்துக்களுக்கு, 26 எழுத்துக்கும் ஒரு பதில் தருவது. '

சுவாரசியம்தானே!!

இதன் விதிகள்:

1.அழைத்தவரை அறிமுகம் செய்தல்.

2.விதிகளைப் பதிவிலிட வேண்டும்.

3.எல்லா ஆங்கில எழுத்தில் உள்ள கேள்விக்கும் பதில் அளிக்க வேண்டும்.

4.பதிவின் முடிவில் நான்கு பேரை மாட்டிவிட வேண்டும்.

5.அந்த நால்வருக்கும் ஓலை அனுப்பவேண்டும்.

6.அழைக்கப் பட்டவர்களையே அழைக்காமல் புதியவர்களை அழைக்க வேண்டும்.

ஆரம்பிப்போமா .. ஸ்டார்ட் மியூசிக் ...

1. A – Avatar (Blogger) Name / Original Name : / ஸ்டார்ஜன் / சேக் மைதீன் /

2. B – Best friend? : எல்லோருமே எனக்கு நண்பர்கள் தான் : வள்ளுவரின் குறள் தான் ஞாபக‌த்துக்கு வருது , முகநக நட்பது நட்பன்று .... என்ற குறள் .

3. C – Cake or Pie? : Cake ( யாரும் கேக்காம இருந்தா சரிதான் ) .

4. D – Drink of choiசெ? காபி , டீ , குளிர்பானம் வேறென்ன இருக்கு .

5. E – Essential item you use every day? கண் ( அலை பாயுதே கண்ணா.. என்னவளை ரொம்பவே தேடும் ) .

6. F – Favorite color ? . blue ( ஊதா )

7. G – Gummy Bears Or Worms : --------------------------------------->யாராவது நிரப்புங்க..

8. H – Hometown? -திருநெல்வேலி..

9. I – Indulgence? - கொஞ்சி கொஞ்சம்.. கெஞ்சி கொஞ்சம்..

10. J – January or February? - ஜனவரி மாதம் ‍‍ வருடத்தின் முதல் மாதம் தானே ....

11. K – Kids & their name? இப்போதைக்கு இல்லை , இன்ஷா அல்லாஹ் ! ,

12. L – Life is incomplete without? குடும்பதோடு இருக்கிற சுகமே தனி தான் ...

13. M – Marriage date? ‍ 21/12/08

14. N – Number of siblings? = எண்ணிலடங்கா ...

15. O – Oranges or Apples?ஒரு ஆறஞ்சி (ஐந்தாறு) ஆப்பிள்..

16. P – Phobias/Fears? யானையை கண்டால் உள்ளுற ஒரு பயம் ..

17. Q – Quote for today? வாழ்க்கை வாழ்வதற்க்கே ,

18. R – Reason to smile? சந்தோசத்தின் தொடக்கம் , சிரித்து சிரித்து என்னை சிறையிலிட்டாய் ...,

19. S – Season? வசந்த காலம்..

20. T – Tag 4 People?- கோவி கண்ணன் , T.V.Radhakrishnan , சந்ரு , ஜெகநாதன் ,

21. U – Unknown fact about me? தெரியாதே ... தெரிந்தவங்க சொல்லலாம்..

22. V – Vegetable you don't like? கத்திரிக்காய்

23. W – Worst habit? இருக்கு ... ஆனா இல்லை ....

24. X – X-rays you've had? இல்லை

25. Y – Your favorite food? கறிக் குழம்பு

26. Z – Zodiac sign? சிம்ம ராசி , உத்திர நட்சத்திரம் ,

********************************************************************

அன்புக்குரியவர்கள்: அம்மாவும் அப்பாவும்
ஆசைக்குரியவர்: என்ன‌வ‌ளே அடி என்ன‌வ‌ளே ...

இலவசமாய் கிடைப்பது: அறிவுரைகளும்,வியாதிகளும்

ஈதலில் சிறந்தது: முல்லைக்கு தேர் கொடுத்த பாரியின் வள்ளலுக்கு ஈடுஇல்லை

உலகத்தில் பயப்படுவது: அப்பிடின்னா?

ஊமை கண்ட கனவு: அவ‌ன் பேசுவ‌து மாதிரி

எப்போதும் உடனிருப்பது: கனவுகளும்,கற்பனைகளும் , த‌ன்ன‌ம்பிக்கையும்

ஏன் இந்த பதிவு: த‌ங்க‌ ராஜ் செல்வேன்திர‌ன் அழைத்த‌தினால் ,

ஐஸ்வர்யத்தில் சிறந்தது: கல்வி, செல்வ‌ம் , தைரியம் ,

ஒரு ரகசியம்: ரகசிமாய் …

ஓசையில் பிடித்தது: குழந்தைகளின் மழலைப்பேச்சு ,

ஔவை மொழி ஒன்று: அறம் செய்ய விரும்பு ,

(அ)ஃறிணையில் பிடித்தது: பேனா .

Post Comment

பள்ளிக்கூடம் போகலாமா ..... தொடர்ப்பதிவு

நேற்றும் இன்றும் எனக்கு நிறைய்ய வேலை. தமிழ்மணம் பார்க்க முடியவில்லை . என் வலைப்பதிவையும் பார்க்க வில்லை . என் முந்திய பதிவான பறவையைக் கண்டேன் பதிவில் படங்களை போடுவதற்குள் போதும் போதும் என்றாகி விட்டது . ப்ளாக்கர் ரொம்ப ஹேங்க் ஆகி விட்டது . இதுக்கு 3 நாட்கள் ஆகிவிட்டது. இன்று சுமார் இரவு 9 மணிக்கு என் வலைப்பதிவைப் பார்த்தேன் . ஒரே அதிர்ச்சி .ஆச்செர்யம் .

பார்த்தால் கோவி. கண்ணன் தொடர்ப்பதிவுக்கு அழைத்திருந்தார் . என்னால் நம்பமுடியவில்லை .என் நண்பரிடம் காட்டினேன் . ஒரே சந்தோசம் தாங்க முடியவில்லை.

பள்ளிப் படிப்பை பற்றியும் அங்கே சொல்லித்தந்த ஆசிரியர்களைப் பற்றியும் தன்னுடைய காலத்தை என் பக்கமாக திருப்பி இருந்தார் கோவி. கண்ணன் .

என்னவென்று சொல்வது எப்படி சொல்வது அந்த பொற்காலத்தை .....

ஒன்னாப்பு :

யெய் சேக் ! இங்க வா இது அப்பாவின் குரல். "என்னப்பா" இது நான் . நாளைக்கு பள்ளிக்கூடம் போவனும் நா ஒன்னையை பள்ளிக்கூடத்துல சேக்கப்போறேன் . அப்படியா ஹைய்யா ஜாலி ! .எனக்குள் ஒரே சந்தோசம் . எங்கண்ணே [ பெரியப்பா மகன் ].கூட பள்ளிக்கு போம்போது நானும் போவேனா ...அதான் சந்தோசம்.


முதல் நாள் போன போது பயம் . உன் பேர் என்ன என்று டீச்சர் கேட்டபோது , எம் பேரு சேக் சிந்தா மதார் மைதீன் , டீச்சர் என்றேன். { இதான் எம் முழுப் பெயர் }. ஆங் நல்ல பையன் , இந்தா முட்டாய் சாப்பிடு என்றார் டீச்சர் . எங்க வலது கையை வச்சி இடது காதைத் தொடுப் பாப்போம் .,என்று சொன்னார் டீச்சர் . நானும் கையை எடுத்து தலைக்கு மேல வச்சி ஒரு வழியா காதைத் தொட்டேன் .



எங்கத் தெரு பயலுக பூரா பேரும் இருந்தாங்க . மிட்டாய் சாப்பிட்டு முடிந்ததும் , பக்கத்துல இருந்த பொம்பள புள்ளக்கிட்ட ஏப் புள்ள ஒரு முட்டாய் கொடேன் கேட்டேன். ஆம் புஸ்ஸூக்கு ! நானே இரண்டே ரெண்டு வச்சிருக்கேன் . ஒன் முட்டாய தின்னுட்டு எங்கிட்ட கேக்கிறியோல என்றாள் . சரி சரி ரொம்ப பீத்திக்கிறாதே என்றேன் . இப்படியே ஒரே ஜாலியா நாட்கள் ஓடியது .



அப்புறம் கொஞ்ச நாள்ல எங்கம்மா குழந்தை { என் தம்பி } பெற போனாங்களா .நானும் என் தங்கையும் அம்மாக்கூட பாட்டி வீட்டுக்கு போயிட்டோம் . பாதி நாள் { மொத்த நாள்ல } பள்ளிக்கூடம் போகவே இல்லை .



முழு ஆண்டு லீவு முடிஞ்சி நான் ரெண்டாப்பு போவனும் . பயலுக எல்லாம் சொன்னாங்க , எல சேக் , நீ ரெண்டாப்பு போக முடியாதே , டீச்சர் சொல்லிட்டாங்களே ஹைய்யா . என்று சொல்லிட்டானுக . ஹெட் மாஸ்டர் வந்தார் . ரெண்டாப்பு போற பையனுக பேரை எங்க டீச்சர் வாசிச்சாங்க . என் பேரை வாசிக்கலை . எனக்கு அழுகை அழுகையா வந்திச்சி . ஹெட் மாஸ்டர் எங்கப்பாவுக்கு தெரிந்தவர் தான் . தோட்ட சார் முத்தையா சார் எங்கப்பாக்கூட படிச்சவர் . டீச்சர் இவனை ஒன்னாப்புலயே போட்டுறலாம்ன்னு சொல்லுறீங்களா என்று ஹெட் மாஸ்டர் கேட்டார். ஆமா சார் என்று டீச்சர் சொன்னாங்க . தோட்ட சார் , " சார் இவன் நம்ம ஆளு பையன் அனுப்புங்க , எல நீ போலே " என்று சொன்னார் . எனக்கு ஒரே சந்தோசம் , தாங்கல ......






ரெண்டாப்பு :

ரெண்டாங்கிளாஸ் போன உடனே பசங்கள் எல்லாம் என்ன ! சார் உட்டுட்டாங்களான்னு கேட்டானுக . எனக்குள் ஒரே சந்தோசம் . அவனுகளுக்கு கடுப்பு . அப்புறம் ரெண்டாப்பு படிக்க ஆரம்பிச்சேன் . ரெண்டாப்பு டீச்சர் பேர் தெரியல . நல்ல டீச்சர் . அந்த டீச்சர் எங்கப்பாக்கு சொல்லிக் கொடுத்த டீச்சர்ன்னு அப்புறம் தான் தெரியும் , எங்கப்பா சொன்னாங்க . பள்ளிக்கூடத்தில் ஒரே விளையாட்டுதான் .


" பாம்பு வரும் பல்லி வரும் ஒரு குச்சிப் போடு !!! " . அப்புறம் , சிலெட்டுல தண்ணி வச்சி அழிக்கும்போது ஏன்சட்டை காயாது , காக்கா சட்டை காயும் !!!!.. காக்கா சட்டை காயாது , ஏன்சட்டை காயும் !!!!.. இப்படின்னு பாட்டு . டீச்சர் வருகைபதிவு வாசிக்கும் போது , சேக் சிந்தா மதார் மைதீன் , ஆஜர் டீச்சர் . இன்னும் சின்ன பெயராக் கிடைக்கலியா ... டீச்சர் இது எங்க தாத்தா வச்சது , என்றேன் . ரொம்ப பெரிய பேரா இருக்கு , ரிஜிஸ்டரில் இடம் காணல . சுருக்கிருவோமா என்று டீச்சர் கேட்டாங்க . முதல்ல உள்ள சேக்கையும் கடைசியில உள்ள மைதீனையும் சேத்திடுவோமால . எனக்கும் அந்த டீலிங் பிடிச்சிருந்தது . அந்த பெயர் { சேக் மைதீன் } பிடிச்சிருந்தது . இனிமே உன் பெயர் சேக் மைதீன் , என்ன சரியா என்று டீச்சர் சொன்னாங்க . சரி டீச்சர் . எனக்கு பிடிச்ச பெயரை வச்சிகிட்டு , வீட்டுக்கு வந்து எங்கப்பாகிட்ட சொன்னேன் . அவரும் சரின்னுட்டார் . எனக்கு சந்தோசமாயிருந்தது .....






அப்ப , எனக்கு லீவு லட்டரை பற்றி விவரமே தெரியாது . ஒரு தடவை , எங்க பெரியம்மாவோட அப்பா இறந்துட்டாங்க . அதுக்கு திருநெல்வேலியில் இருந்து திருச்சிக்கு உடனே போகனும் . டீச்சர்கிட்ட லீவு கேட்டேன் . எத்தனை நாள்ன்னு கேட்டாங்க . எனக்கு விவரம் தெரியாதா , நான் , டீச்சர் 4 வாரம் லீவு வேணும் . போகக்கூடாது . லீவு லெட்டர் கொடுத்துட்டுப்போ . டீச்சர் 40 நாள் . உஹும் , லீவு லெட்டர் கொடு . டீச்சர் 4 மாதம் , 4 வருசம் . உஹும் முடியாது , லீவு லெட்டர் கொடு என்றார் டீச்சர் . எனக்கு அழுகை வந்திருச்சு .அழுதுகிட்டு இருக்கேன் . அந்த சமயம் என் தங்கையும் என் மாமாவும் வந்தாங்க . மாமா டீச்சரிடம் டீச்சர் இவனுக்கு 4 நாள் லீவு கொடுங்க . திருச்சிக்கு போகனும் . .. கூட்டிக்கிட்டு போங்க இவனை , ஒரே அழுகை.... .





மூனாப்பு :



மூனாப்பு சேர்ந்த உடன் கொஞ்சம் படிக்க ஆரம்பிச்சேன் . அப்போ என் தங்கை ஒண்ணாங்கிளாஸ் சேர்ந்தாள். அவ கொஞ்சம் துருதுரு என்று இருப்பாள் . தொட்டியில ஏறி விளையாண்டு சேட்டை பண்ணி இருக்காள். டீச்சர் அவளை அடித்து உங்க அண்ணனை கூட்டி வா என்று அனுப்பி இருக்கிறார் . என் தங்கை அழுதுகொண்டு வந்து என்னை கூட்டிக் கொண்டு போனாள் . " இது யாரு உன் தங்கச்சியா ! ரொம்ப சேட்டை . இவ பெய்ரு இந்த கிளாஸில் இல்லை . எங்கன்னு பார்த்து சேர்த்து விடு ! " என்றார் . நானும் அவ கிளாஸ் எது என்று பார்த்து சேர்த்து விட்டேன் .






ஒரு சில மாதம் கழித்து நான் படிக்கும்போது விளையாடிக் கொண்டு இருந்தேன் . அப்போது என் மூக்கில் பொடி கல்லை போட்டுவிட்டேன் . வலி தாங்க முடியவில்லை . உடனே டீச்சர் என் வீட்டுக்கு ஆளை அனுப்பி எங்கப்பாவை கூட்டி வந்து ஆஸ்பத்திக்கு அனுப்பி வைத்தார் .



ஒரு தடவை நான் ஒண்ணுக்கு போகும் போது மரத்தடியில் என் தங்கையோட வகுப்பு நடந்து கொண்டிருந்தது . நான் என் தங்கைக்கு டாட்டா காட்டி கொண்டிருந்தபோது வாசல் படி தடுக்கி கீழே விழுந்து மண்டையில் அடிப்பட்டு விட்டது . உடனே என் தங்கை ஓடிப்போய் எங்க வீட்டுல எல்லாத்தையும் கூட்டி வந்து விட்டாள் .


எங்க பள்ளிக்கூடம் , எங்க வீட்டுக்கு அடுத்த தெருவில் இருக்கு . டீச்சர் பரவாயில்லையே அண்ணனுக்கு அடிப்பட்ட உடனே ஆளைக் கூட்டிட்டு வந்திட்டியே என்று என் தங்கையை பாராட்டினாங்க .

நாலாப்பு :






நாலாப்புல இருந்து ஒழுங்கா படிக்க ஆரம்பிச்சேன் , என்று நினைக்கிறேன் . நல்லா படிச்சேன் . ஒரு நாள் எங்க கிளாஸ் சார் எல சேக் மைதீன் எந்திரு என்றார் . எனக்கு பயம் , எங்க அடிக்க போறாரோ என்று .. .. . இவண் தான் நம்ம கிளாஸ் லீடர் .என்ன சரியா என்றார் .எனக்கு ஒரே சந்தோசம் . ரொம்ப மகிழ்ச்சியா இருந்தது .

ஐந்தாப்பு :



ஐந்தாப்பில் நான் தான் எல்லா மாதத் தேர்விலும் முதல் ராங்க் எடுத்தேன் . என் கூட எல்லா பயலுகளும் , பொம்பள புள்ளைகளும் போட்டிப் போட்டாங்க . ஒரே போட்டி யார் முதல் ராங்க் எடுப்பது என்று . ஆண்டு விழாவில் எனக்கு தான் பரிசு .



இப்படி பள்ளி பருவத்தில் ரொம்ப ஜாலியா இருந்தது . அத இப்போ நினைத்து பார்த்தால் அப்ப இருந்த சேக்கா இப்போ இப்படி என்று தோணும் .


நான் படித்த பள்ளியிலும் சரி , காலேஜ்ஜிலும் சரி எனக்கு நல்ல பெயர் உண்டு . எல்லா ஆசிரியர்களும் என்னிடம் அன்பா இருந்தாங்க .


என்னாடா இது என்னை பற்றி எழுதும் போது , வேற யாரோ சேக் மைதீனை பற்றி எழுதி இருக்கேனே என்று பார்க்கீங்களா ...../..






இங்க ஸ்டார்ஜன் பற்றி சொல்லவே இல்லையே என்று நினைக்கிறீங்கன்னு தெரியுது .

என்னோட உண்மையான பெயர் சேக் மைதீன் தான் ..



ஸ்டார்ஜன் என்பது நானா கொடுத்துக்கிட்ட பெயர் .



தொடரைத் தொடர நான் விரும்பி அழைக்கும் மூவர்,


சுரேஷ் (கனவுகளே )
முரளிக்கண்ணன் ( நிரோடை )
வசந்த் ( பிரியமுடன் வசந்த் )


விதிகள் : தொடக்கப் பள்ளிப் பருவத்தைப் பற்றியும், ஆசிரியர்கள் பற்றியும் எழுத வேண்டும், தங்கள் விரும்பும் மூவரை அழைத்து தொடரச் சொல்ல வேண்டும் !

Post Comment