கரகர மொறுமொறு - 6/5/2010

என் அருமையான அன்புமிக்க நண்பர்களே!! எல்லோரும் நலமா..

ஒரு சந்தோசமான விசயம். ஏப்ரல் 27 அன்று நான் வெளியிட்ட வெளிநாட்டில் இருப்பது என் தப்பா?.. என்ற கட்டுரை யூத்புல் விகடனில் குட்பிளாக்ஸ் பகுதியில் வந்துஇருக்கிறது. இந்த சந்தோசத்தை உங்களுடன் பகிர்ந்து கொள்கிறேன். அந்த சந்தோசத்தினை விவரிக்க வார்த்தைகளே இல்லை. விகடன் குழுமத்திற்கு என்னுடைய நெஞ்சார்ந்த நன்றிகளை தெரிவித்துக் கொள்கிறேன்.

நண்பர்களாகிய உங்கள் அனைவருக்கும் என் நன்றிகளை தெரிவித்துக் கொள்கிறேன். சந்தோசத்தை உங்கள் அனைவர்களிடமும் பகிர்ந்து கொள்கிறேன்.

நன்றி விகடன் குழுமத்திற்கும், நண்பர்கள் அனைவருக்கும்...

வெளிநாட்டில் இருப்பது என் தப்பா?.. - எனது கட்டுரை.




***********************************


கேள்விக்கு உங்கள் பதில் 7:

வாரம்தோறும் இந்த பகுதியில் வெளியாகும் கேள்விக்கு உங்கள் பதில் இடுகைகளில் உங்களின் ஒவ்வொருவரின் வித்யாசமான கருத்துக்கள் பகிர்ந்து கொள்ளும்போது புதிய கருத்துப் பரிமாணம் கிடைக்கிறது. நிறையபேர்களின் கருத்துக்களை அறிந்துகொள்ள இது ஒரு நல்லமுயற்சி என்று என்னை பாராட்டிக்கொண்டிருக்கும் உங்கள் அனைவருக்கும் எப்படி நன்றிகள் சொல்வதென்றே தெரியல.. இந்த பகுதிக்கு ஆதரவு கொடுத்துவரும் உங்கள் அனைவருக்கும் என் நன்றிகளை தெரிவித்துக் கொள்கிறேன்.

கேள்வி 7:


நம்நாட்டில் பொருளாதார முன்னேற்றம் ஏற்பட என்ன செய்யலாம்?..


சென்றவாரம் கலந்துகொண்டு கருத்துக்களை பகிர்ந்து கொண்டதுபோல இந்த வாரமும் உங்கள் கருத்துக்களை பகிர்ந்து கொள்ளுங்கள் நண்பர்களே!!.


உங்கள் மேலான கருத்துக்களை எதிர்பார்த்தவனாக உங்கள் ஸ்டார்ஜன்.


,

Post Comment

கரகர மொறுமொறு - 17/4/2010

நாய் துரத்தலும் கிரிக்கெட்டும்


நாங்கள் வாரந்தோறும் வெள்ளிக்கிழமை காலையில் பாகிஸ்தான் டீமுடன் மேட்ச் போடுவது வழக்கம்.. அப்படித்தான் நேற்று காலையில் நானும், அக்பரும், அக்பர் தம்பி, உறவினர், கேரளா நண்பர்களும் உபி நண்பரும் விளையாடுவதற்கு பாகிஸ்தான் நண்பர்களின் இருப்பிடம் நோக்கி நடந்து சென்று கொண்டிருந்தோம். எல்லோரும் முன்னாடி சென்று கொண்டிருந்தார்கள்.

நான் வீட்டில் இருந்து போன்வந்ததால் பேசிக்கொண்டும் மிஸ்டுகால்கள் கொடுத்துக்கொண்டும் சென்றுகொண்டிருந்தேன். நண்பர்கள் அனைவரும் முன்னால் ஒரு 20மீட்டர் தொலைவில் சென்றுகொண்டிருந்தனர். நான் பின்னால் வந்து கொண்டிருந்தேன். இங்கே சவூதியில் நாய்கள் மிக குறைவு. நாயை பார்ப்பது அபூர்வம். நாங்கள் செல்லும்வழியில் நாய் ஒன்று சென்றுகொண்டிருந்தது. நம்ம ஆட்கள்தான் நாயைக் கண்டால் கல்லெடுத்து அடிக்கணும் என்பது எழுதப்படாத விதியா என்று தெரியலை.

நாயை பார்த்ததும் முன்னால் போய்க்கொண்டிருந்த கேரளா நண்பன் ஒருவன் கல்லைக் கொண்டு நாயின்மேல் எறிந்தான். அது விருட்டென திரும்பி பார்த்தது. நான் அதன்அருகில் கொஞ்சதூரத்தில் சென்று கொண்டிருந்ததால் நாந்தான் அதன்மேல் எறிந்துவிட்டேனென என்னை பார்த்து குரைத்துக்கொண்டே என்னை நோக்கி வந்தது. நான் இதைக்கண்டு ஓட ஆரம்பித்தேன். நாய் என்னை துரத்தியதால் வேகமாக ஓடினேன்.

நான் ஓடுவதைபார்த்த பக்கத்துல இருந்த சவுதி நாயை விரட்டி திசை திருப்பினார். அப்பாடி என்று சவுதிக்கு நன்றி சொன்னேன்.

நாங்கள் டாஸ் வென்று பாகிஸ்தானிகளை முதலில் பேட் செய்ய சொன்னோம். முதலில் பந்துவீசிய உபி நண்பர் கட்டுகோப்பாக பந்துவீசினார். பின்னர் அக்பரின்தம்பியும் கட்டுக்கோப்பாக பந்துவீசினார். அவர்களின் ரன்விகிதம் மெதுவாகவே உயர்ந்தது. 15 ஓவருக்கு பாகிஸ்தானிகள் 100 ரன்கள் எடுத்தனர்.

நான் ஒருஓவர் கட்டுக்கோப்பாக பந்துவீசி 2 ரன்கொடுத்து 1 விக்கெட் சாய்த்தேன். அக்பரின் தம்பி 3 விக்கெட் சாய்த்தார். உபி நண்பர் 2 விக்கெட் சாய்த்தார். கேரளா நண்பர் 2 விக்கெட் சாய்த்தார். கட்டுக்கோப்பாக பந்துவீசிய அக்பருக்கு இந்தமுறை விக்கெட் கிடைக்கவில்லை.

பின்னர் களம் இறங்கிய நாங்கள் தொடக்கம்முதலே அதிரடியாக விளையாட ஆரம்பித்தோம். முதலில் இற‌ங்கிய கேரளா நண்பர் சிறப்பாக 25 ரன் அடித்து தொடக்கம் அமைத்துகொடுத்தார். பின்னர் இறங்கிய அக்பரின் தம்பி அதிரடியாக விளையாடிக்கொண்டிருந்தார்.மேலும் ஒரு விக்கெட் விழ அக்பர் இறங்கினார். இருவரும் ரன் விகிதத்தை அதிகரித்தனர். தம்பி 24 எடுத்த நிலையில் அவுட் ஆனார். அக்பர் தொடர்ந்து ஆடி ஒரு நான்கு அடித்து ஆட்டத்தை வெற்றி பெற செய்தார். அவர் எடுத்தது 24 ரன்கள்.

பொதுவா பாகிஸ்தானிகள் நல்ல வலுவானவர்கள். அவர்களின் வேகப்பந்துவீச்சுக்கு நாங்கள் ஆரம்பத்தில் தோத்ததுண்டு. அவர்களிடம் தொடர்ந்து விளையாடி நல்ல அனுபவங்களை பெற்றதால்‌‌ இப்போதெல்லாம் நாங்கள் ஒன்று ஜெயித்தால் அவர்கள் ஒன்று ஜெயிப்பார்கள்.

*******************************

இதோ வந்திட்டேன் உங்கள் ஸ்டார்ஜன்.

நான் வலைச்சரத்தில் எழுதிக்கொண்டிருக்கும் இந்தவாரத்தில் கதையின் மூலம் பதிவர்களை அறிமுகப்படுத்துவதற்கு அமோகஆதரவு தந்து கொண்டிருக்கும் உங்கள் அனைவருக்கும் என் நன்றிகளை தெரிவித்துக் கொள்கிறேன். நான் கொஞ்சம் பிஸியாக இருப்பதால் உங்கள் எல்லோருடைய பதிவையும் என்னால் படிக்கமுடியவில்லை. ஆயினும் எனக்கு கருத்துக்களை பகிர்ந்து கொண்டு தொடர்ந்து ஆதரவைத் தரும் உங்கள் அனைவருக்கும் நன்றிகள்.

‌********************************

பதிவர் சந்திப்பு

நேற்று நண்பர் சரவணக்குமார் ஊரிலிருந்து வந்தபின் இங்கே எங்களை சந்திப்பதற்கு வந்திருந்தார். மேலும் விவரங்களுக்கு அக்பரின் பதிவை படிங்க. நாங்கள் மூவரும் கலந்துரையாடியது எனக்கு மகிழ்ச்சியாக உள்ளது.

********************************

கேள்விக்கு என் பதில் 6

கேள்வி 6:

சினிமா/சீரியல்கள் பெண்களுக்கு முன்னேற்றம் அமைத்துக் கொடுக்கிறதா இல்லை இழிவுபடுத்துகிறதா...


இந்த கேள்வி பெண்கள் சிந்திக்கவேண்டிய கேள்வி. இந்த கேள்விக்கு உங்கள் கருத்துக்களை பகிர்ந்துகொண்டது எனக்கு மகிழ்ச்சி அளிப்பதாக உள்ளது.

சினிமா/சீரியல்களில் பெண்களை இழிவுபடுத்தாத காட்சிகளே இல்லை எனலாம். அந்தகாலத்திலிருந்து இந்தகாலம்வரை பெண்களை மையப்படுத்தாத திரைப்படங்களே இல்லையெனலாம். அந்தகாலத்திலிருந்து சினிமாக்களில் கவர்ச்சிபொருளாகவும் மோகப்பொருளாகவும் வியாபாரநோக்கோடும் பெண்கள் இன்றுவரை ஆக்கப்பட்டிருக்கின்றனர். அப்போது கவர்ச்சி ஆட்ட நடிகைகள் மூலம் கவர்ச்சி பாடல்கள் வைத்து தங்கள் படங்களை காண்பித்து பணம் சம்பாதித்தனர். ஆனால் அந்த வேலையை இன்றைய கதாநாயகிகளை செய்யவைத்து பணம் ஈட்டுகின்றனர்.

மாமியார் மருமகள் சண்டை பிரதானமாக உள்ள சினிமாக்கள் மக்கள் ஆர்வமுடன் ரசித்துபார்த்தனர். கணவன் கொடுமை, மாமியார் கொடுமை, நாத்தனார் கொடுமை இப்படி நிறைய கொடுமைகளை கொண்ட படங்கள் மக்கள் மத்தியில் உலாவரத் தொடங்கின. இதனை பார்த்து எத்தனை எத்தனை குடும்பங்களில் குழப்பம் உண்டாயின எனபதை படம் எடுத்தவர்கள் என்னைக்காவது நினைத்து பார்த்ததுண்டா?..

இந்தமாதிரி படங்களை மக்கள் சினிமாவா நினைக்காமல் தங்கள் வாழ்க்கையோடு சம்பந்தபடுத்தி நிஜத்திலும் அப்படித்தான் இருக்கவேண்டும்போல மாயபிம்பம் உருவாகத்தொடங்கியது. இந்த படங்களின் ஹீரோ அவர் படங்களில் காட்டப்படும் குடும்பங்களில் உள்ள பிரச்ச்னையை தீர்த்து வைப்பாராம். உடனே படத்துல உள்ள குடும்பம் திருந்தி நல்வாழ்வை வாழ தொடங்கினர் என்பதை படத்தின் இறுதியில் காட்டுவார்கள். உண்மையில் இப்படியெல்லாம் ஒரு குடும்பத்திலும் நடக்கவே நடக்காது. மக்கள் இந்த படங்களை பார்த்து நாமும் அப்படி இருக்கவேண்டும், என்று நினைக்கத் தொடங்கினர்.

இதுதான் சீரியலின் ஆரம்பம் என்று சொல்லலாம். பின்னர் காலப்போக்கில் மக்கள் தியேட்டருக்கு சென்று சினிமா பார்ப்பது குறைந்து கொண்டே வந்தது. இதனால் சீரியல் என்ற பூதம் ஒவ்வொருவோர் வீட்டிலும் கிளம்பத்தொடங்கியது. இன்று எண்ணற்ற சீரியல்கள் வந்து கொண்டிருக்கிறது. குடும்பத்தில் உள்ள அனைவரும் ஒன்றாக அமர்ந்து டிவி பார்க்கமுடியவில்லை.

எப்படியெல்லாம் குடும்பத்தில் பிரச்ச்னைகளை உண்டுபண்ணலாம் என்று ஒவ்வொருவருக்கும் பாடம் நடத்திக் கொண்டிருக்கிறது, இந்த சீரியல்கள். இதில் உள்ள உண்மைகளை புரிந்து கொள்ளாமலே பெண்கள் விவாகரத்துவரை செல்லுகின்றனர். இதெல்லாம் பாவமாக தெரியலியா அவர்களுக்கு.. என்னே ஒரு ராஜதந்திரம்.

இதுபோதாதென்று டிவிகளில் வரும் நடனநிகழ்ச்சி, பாட்டுப்போட்டி, மற்ற நிகழ்ச்சிகள், விளம்பரங்கள் இப்படி நிறைய நிகழ்ச்சிகளில் பெண்களை அரைகுறை உடைகளில் உலாவரச் செய்து பணம் சம்பாதிக்கின்றனர். ரொம்ப கேவலமாக பெண்களை சித்தரிக்கின்றனர். இந்த நிலை எப்போது மாறும் என்று நீங்கள் கேட்கலாம். அது உங்கள் கைகளில்தான் உள்ளது. ஆகவே மக்களே பெண்களை கேவலப்படுத்தும் நிகழ்ச்சிகள், சினிமாக்கள், சீரியல்களை பாக்காதீங்க. புறக்கணிப்பு செய்துவிடுங்கள்.

மக்களை இந்தநிலையை நீங்கள்தான் மாற்றமுடியும், என்று சொல்லியவனாக நானும் இங்கே என்னுடைய கருத்தை பகிர்ந்து கொள்கிறேன்.

அடுத்தவாரம் மீண்டும் உங்களை வேறொரு கேள்வியுடன் சந்திக்கிறேன். தொடர்ந்து உங்கள் கருத்துக்களை பகிர்ந்து கொள்ளுங்கள்.


உங்கள் மேலான கருத்துக்களை எதிர்பார்த்தவனாக உங்கள் ஸ்டார்ஜன்.


,

Post Comment

கேள்விக்கு உங்கள் பதில் 6

அன்புமிக்க நண்பர்களே!! எல்லோரும் நலமா...

வாரம்தோறும் இந்த பகுதியில் வெளியாகும் கேள்விக்கு உங்கள் பதில் இடுகைகளில் நிறையபேர்களின் கருத்துக்களை அறிந்துகொள்ள ஏதுவாக உள்ளது. உங்களின் ஒவ்வொருவரின் வித்யாசமான கருத்துக்கள் பகிர்ந்து கொள்ளும்போது புதிய கருத்துப் பரிமாணம் கிடைக்கிறது. இதற்கு ஆதரவு கொடுத்துவரும் உங்கள் அனைவருக்கும் என் நன்றிகளை தெரிவித்துக் கொள்கிறேன்.

நான் வலைச்சர‌த்தில் பணியாற்றி வருகிறேன். அங்கும் வந்து கருத்துக்களை பகிர்ந்து கொள்வதற்கு உங்கள் அனைவருக்கும் என் நன்றிகளை தெரிவித்துக் கொள்கிறேன்.

சரி இந்த வார கேள்விக்கு உங்கள் பதில் 6 க்கு செல்வோமா..


கேள்வி 6:

சினிமா/சீரியல்கள் பெண்களுக்கு முன்னேற்றம் அமைத்துக் கொடுக்கிறதா இல்லை இழிவுபடுத்துகிறதா...


சென்ற வாரம் கலந்து கொண்டு உங்கள் கருத்துக்களை பகிர்ந்து கொண்டது போல இந்த கேள்விக்கும் உங்கள் கருத்துக்களை பகிர்ந்து கொள்ளுங்கள்.


உங்கள் மேலான கருத்துக்களை எதிர்பார்த்தவனாக உங்கள் ஸ்டார்ஜன்.

,

Post Comment

உழைக்கும் கைகளே.. கேள்விக்கு என் பதில் 5

அன்புமிக்க நண்பர்களே!!

நேற்று நான் ஒரு கேள்வியை வெளியிட்டேன். அதற்கு நான் எதிர்பார்த்ததுபோலவே நீங்கள் பலதரப்பட்ட கருத்துக்களை வெளிப்படுத்தியது மிக்க மகிழ்ச்சியாக உள்ளது. உங்கள் அனைவருக்கும் என் நன்றிகளை தெரிவித்துக் கொள்கிறேன்.

கேள்வி 5 :

குழந்தை தொழிலாளர்கள் வேலைக்கு செல்வதை தடுப்பது யார்கையில் இருக்கிறது?.. அரசாங்கமா இல்லை சமூகமா...



இந்த கேள்விக்கு கருத்துசொல்வது என்பது மிக சிக்கலான விஷயம். அப்படி இருந்தும் நேற்று தங்கள் கருத்துக்களை பகிர்ந்து கொண்ட அனைவருக்கும் என்னுடைய நன்றிகளை தெரிவித்துக் கொள்கிறேன். அதிலும் குறிப்பாக மாப்ள ஜெகநாதன் எனக்கு நிறைய பாயிண்ட்ஸ் எடுத்துக் கொடுத்தார். இணையத்தில் நிறைய தகவல்கள்தேடித் கருத்துக்களை பகிர்ந்து கொண்டார். அவருக்கு என் நன்றிக‌ளை தெரிவித்துக் கொள்கிறேன்.

முதலில் இந்த பிரச்சனைக்கு அடிப்படைகாரணம் குடும்பங்கள்தான். அரசு என்னதான் சட்டம் போட்டாலும் வேலைக்கு செல்வதை யாராலும் தடுக்கமுடியாது. முதலில் ஒரு கண்ணோட்டத்திலிருந்து பார்ப்போம்.

ஒருவன் படித்தால் என்ற கண்ணோட்டத்திலிருந்து பார்ப்போம்.ஒரு அப்பா தான் என்னதான் கஷ்டப்பட்டாலும் தன்பிள்ளை படித்து வேலைக்கு சென்று தன்குடும்பத்தை காப்பாற்றுவான் என்ற நம்பிக்கையில் அவனை படிக்க வைக்கிறார். அவனும் படித்துமுடித்து வேலைக்காக காத்திருக்கிறான் காத்திருக்கிறான் காத்துக்கொண்டே இருக்கிறான்.

ஏன்னா நம்நாட்டுல வேலை இல்லாத திண்டாட்டம் தலைவிரித்து ஆடுகிறதே.. அதை எப்படி யார்தீர்ப்பது.. விடையில்லா கேள்வியா இருக்கே. இன்றைய அரசியல்வாதிகளை கேளுங்க. வேலையில்லாத திண்டாட்டத்தை ஒழிக்க என்ன செய்கிறீர்கள் என்று. அவர்களால் பதில் சொல்ல இயலாது. அவர்கள் அப்படியே வேலை கொடுத்தாலும் பணம் உள்ளவன் முந்திக்கிறான் . போட்டிகள் நிறைந்த உலகம் இது. இதுதான் காலம்கால்மாக நடந்து கொண்டிருக்கிறது. ஏன்னா நம்நாட்டில் மக்கள்தொகை பெருக்கம் அதிகம். இப்படியே ஒன்றுதொட்டு ஒன்று தொடர்ந்துகொண்டே செல்கிறது.... இது ஒரு சங்கிலித் தொடர் போல... முடிவே இல்லாமல்..

இப்போது அடுத்த கண்ணோட்டத்திலிருந்து பார்ப்போம். இப்ப அவன் படிக்காம வேலைக்கு போறான்னு வைத்துக் கொள்வோம். அவன் சின்னவயசிலே வேலைக்கு போவதால் அவனிடம் பணப்புழக்கம் உண்டாகிறது. அவனுடைய தேவையை யாருடைய தயவுமில்லாமல் அவனே பூர்த்தி செய்துகொள்கிறான். இதற்கு என்னகாரணம் குடும்பங்களில் நிலவும் வறுமைதான்.

கஷ்டப்படுகிற குடும்பங்களில் எந்த வகையிலாவது வருமானம் வராதா அதனைக் கொண்டு நம் வறுமை நீங்காதாதான் எல்லா பெற்றோரும் நினைக்கிறார்கள். அதாவது ஒருவன் சின்ன வயசிலே வேலைக்கு போய் சம்பாதிச்சாதான் நீ கல்யாணவயசுல நல்லா இருக்க முடியும்ன்னு ஒவ்வொரு பெற்றோரும் நினைக்கும்போது அவனால் எப்படி வேலைக்கு செல்லாமல் இருக்கமுடியும்.

ஏன்னென்றால் குடும்பத்தில் நிலவும் வறுமை. அவன் ஒரு 21 வயது அடையும்போது அவனிடம் பணப்புழக்கம் இருப்பதினால் அவனுக்கு பெண்கொடுக்க நான்நீன்னு போட்டிப்போடுகிறார்கள். ஒரு 25 வயது கழிந்தவுடன் ஓரளவுக்கு வாழ்க்கையில் செட்டிலாகிவிடுகிறான். அவனால் எந்தஒரு பிரச்சனைக்கும் ஈஸியா தீர்வுகண்டுவிடுவான். அதே படித்தஒருவன் முடிவு எடுக்கமுடியாமல் தடுமாறுவதை பார்க்கத்தான் செய்கிறோம்.

இப்போது அடுத்த கண்ணோட்டத்திலிருந்து பார்ப்போம். அதாவது வேலைக்கு செல்லும் சிறார்களின் பார்வையில் செல்வோம். குழந்தை தொழிலாளர்கள் எனபவர் யார்? எனபதை முதலில் பார்த்தோமானால் தன் குடும்ப வறுமை சூழ்நிலை காரணமாக சிறுவயதிலே வேலைக்கு சென்று குடும்பத்தை காப்பாற்றும் பொறுப்பில் உள்ளவர்கள். இந்த குழந்தைகள் வேலைக்கு செல்வதற்கு முதலில் அடிப்படை காரணம் என்ன? என்பதை பார்த்தோமானால் வறுமை.

இந்த மாதிரி கஷ்டப்பட்ட குடும்பங்களில் ஒன்று அப்பா சரியில்லாம இருக்கணும் இல்லை அப்பா இல்லாமல் குடும்பபொறுப்பை தானே ஏற்கவேண்டும் என்ற கட்டாயத்தில் தள்ளப்படும் சிறார்கள். இவர்களுக்கும் மற்ற பிள்ளைகளை போல தாமும் படிக்க வேண்டும் பெரிய ஆளாக வரவேண்டும் என்ற கனவை சிறுவயதிலே புதைத்து ஏக்கமாய் பார்க்கும் பார்வைக்கு அழுத்தம் ஜாஸ்தி. சில குழந்தைகள் தற்கொலை செய்து கொள்கிறனர். அவர்கள் சில சமயங்களில் தப்பான முடிவுக்கு ஆளாகிவிடுகின்றனர். இல்லையென்றால் ஒரு ரவுடியாகவோ இல்லை முரடனாகவோ, இல்லை வேறுமாதிரியாகவோ ஆகிவிடுகின்றனர்

இன்று எத்தனை ஊர்களில் சிறுவயதிலே வேலைக்கு சென்று க‌ஷ்டபடும் குழந்தைகளை நினைக்கும்போது கண்களில் நீர்கோர்க்கிறது. உண்டா இல்லையா சொல்லுங்க...

தமிழ்நாட்டில் மட்டுமல்ல இந்தியா முழுவதும் உள்ள மாநிலங்களில் கஷ்டத்துக்கு ஆளாகும் குழந்தைகள் நிலையை நாம் எப்படிமாற்றுவது?..

குழந்தை தொழிலாளர்கள் வேலைக்கு செல்வதை தடுக்க நாம் இதுவரை என்னென்ன முயற்சிகளை மேற்கொண்டுள்ளோம். அரசு திட்டங்கள் எத்தனைதான் கொண்டுவந்தாலும் அதை செயல்படுத்தும்போது பணமுதலைகளின் வாயினுள் அல்லவா சென்றுவிடுகிறது.

இதற்கு பிற்காலத்தில் எதாவது ஒரு மாற்றம் வராமலா போய்விடும். கண்டிப்பாக மாற்றம் வரும் என்று நம்புவோமாக..

மீண்டும் அடுத்தவாரம் வேறொரு கேள்வியுடன் உங்களை சந்திக்கின்றேன். தொடர்ந்து உங்கள் கருத்துக்களை பகிர்ந்து கொள்ளுங்கள். உங்கள் அனைவருக்கும் என் நன்றிகளை தெரிவித்துக் கொள்கிறேன்.


உங்கள் மேலான கருத்துக்களை எதிர்பார்த்தவனாக உங்கள் ஸ்டார்ஜன்.


,

Post Comment

கேள்விக்கு உங்கள் பதில் 5

அன்புமிக்க நண்பர்களே!!

வாரம்தோறும் இந்த பகுதியில் வெளியாகும் கேள்விக்கு உங்கள் பதில் இடுகைகளில் நிறையபேர்களின் கருத்துக்களை அறிந்துகொள்ள ஏதுவாக உள்ளது. உங்களின் ஒவ்வொருவரின் வித்யாசமான கருத்துக்கள் பகிர்ந்து கொள்ளும்போது புதிய கருத்துப் பரிமாணம் கிடைக்கிறது. இதற்கு ஆதரவு கொடுத்துவரும் உங்கள் அனைவருக்கும் என் நன்றிகளை தெரிவித்துக் கொள்கிறேன்.

சென்றவார இடுகைகளின் தொகுப்பை இங்கே தந்துள்ளேன். அறிந்து கொள்ளுங்கள் நண்பர்களே..

கேள்விக்கு உங்கள் பதில் கேள்விக்கு என் பதில்
கேள்விக்கு உங்கள் பதில் 2 கேள்விக்கு என் பதில் 2
கேள்விக்கு உங்கள் பதில் 3 கேள்விக்கு என் பதில் 3
கேள்விக்கு உங்கள் பதில் 4 கேள்விக்கு என் பதில் 4


சரி இந்த வார கேள்விக்கு உங்கள் பதில் 5 க்கு செல்வோமா..

கேள்வி 5 :

குழந்தை தொழிலாளர்கள் வேலைக்கு செல்வதை தடுப்பது யார்கையில் இருக்கிறது?.. அரசாங்கமா இல்லை சமூகமா...


சென்ற வாரம் கலந்து கொண்டு உங்கள் கருத்துக்களை பகிர்ந்து கொண்டது போல இந்த கேள்விக்கும் உங்கள் கருத்துக்களை பகிர்ந்து கொள்ளுங்கள்.


உங்கள் மேலான கருத்துக்களை எதிர்பார்த்தவனாக உங்கள் ஸ்டார்ஜன்.

,

Post Comment

கர கர ... மொறு மொறு ...

அன்புமிக்க நண்பர்களே!!

இதோ வந்துட்டேன் உங்கள் ஸ்டார்ஜன் நிலா அதுவானத்து மேல யில். கடந்த ஒரு வாரகாலமாக நான் வலைச்சரத்தில் ஆசிரியராக பணிபுரிந்தேன். எனக்கு வலைச்சரத்தில் வாய்ப்பு வழங்கிய திரு. சீனா அய்யாவுக்கு என் நன்றிகள்.
இந்த ஒருவாரமும் ஆசிரியர் பணியை திறம்பட செய்து முடித்திருப்பேன் என்று நினைக்கிறேன். வலைச்சரத்தில் மீண்டும் ஒரு வாய்ப்பு அமைய பெற்றால் இதேபோன்று செயல்படுவேன்.

**************************************

இந்த ஒருவாரமும் என்னுடைய பக்கத்துக்கு வருகைதந்து கருத்துக்களை பகிர்ந்து கொண்ட உங்கள் அனைவருக்கும் மிக்க நன்றிகள். மேலும் வலைச்சரத்துக்கு வருகைதந்து உங்கள் கருத்துக்களை பகிர்ந்து கொண்டதுக்கு மிக்க நன்றிகள். கடந்த 2 நாட்களாக எனக்கு உடல்நலம் சரியில்லாததால் பல நண்பர்கள் நலம் விசாரித்தனர். நலமாக உள்ளேன். உங்கள் அன்புக்கு என்றென்றும் கடமைப்பட்டுள்ளேன்.

சென்றவாரம் கேள்விக்கு உங்கள் பதில் 4 பகுதியில் நிறையபேர் கருத்துக்களை பகிர்ந்து கொண்டது மிக்க மகிழ்ச்சி.

கேள்வி 4:

தண்ணீர் பற்றாக்குறையை தீர்க்க பாடுபடுவது அரசாங்கமா... இல்லை மக்களா....


இதற்கு, கேள்விக்கு என் பதில் 4 வெளியிட தாமதமாகிவிட்டது. எனினும் என் கருத்தினை பகிர்ந்து கொள்கிறேன். தண்ணீர் பற்றாக்குறையை தீர்க்க அரசு முயற்சிக்க வேண்டும், மக்களுக்கு தண்ணீர் தட்டுப்பாடு இல்லாமல் குடிநீர் வழங்க அரசு முன்வரவேண்டும்.

மக்களும் தண்ணீர் பற்றாக்குறையை தீர்க்க அரசின் திட்டங்களுக்கு உறுதுணையாக இருக்க வேண்டும். நிலத்தடி நீர்மட்டம் குறையாமல் பார்த்துக் கொள்ளவேண்டும். தங்களை சுற்றியுள்ள சுற்றுப்புறங்களை தூய்மையாக வைத்துக் கொள்ளவேண்டும். கடந்த அரசு கொண்டுவந்த மழைநீர் சேகரிப்பு திட்டத்தில் உள்ள தொட்டிகள் இன்று என்ன ஆனது என்றே தெரியவில்லை. மக்களுக்கே வெளிச்சம்.

எனவே மக்கள் அரசு கொண்டுவரும் திட்டங்களுக்கு உறுதுணையாக இருந்து நீர்மட்டம் உயர நம்மால் ஆன முயற்சிகளை தொடரவேண்டும்.


**************************************


என் அன்புள்ள சகோதரி மலிக்கா அவர்கள் எனக்கு சன்ஷைன் அவார்ட் கொடுத்துள்ளார். மிக்க மகிழ்ச்சியாக உள்ளது.

இந்த விருதினை அன்போடு இவர்களுக்கு வழங்குகிறேன்.

ஸாதிகா மேடம்

மின்மினி

சேட்டைக்காரன்

டி.வி.ராதாகிருஷ்ணன் சார்

ஜெகநாதன்


******************************************

நேற்று சென்னையில் பதிவர் சந்திப்பு நடைபெற்றுள்ளது. கலந்து கொண்டு சிறப்பித்த அனைவருக்கும் என் வாழ்த்துக்களை தெரிவித்துக் கொள்கிறேன். இது போன்று நம்முடைய கருத்துக்களை பகிர்ந்து கொள்ளும் பதிவர் சந்திப்பு கூட்டங்கள் அவசியமானதே.. அப்போதுதான் ஆரோக்கியமான நல்லுறவுகள் தொடரும் என்பதில் சந்தேகமில்லை.

ஆனால், இன்று காலையில் பதிவர் சந்திப்பில் கலந்து கொண்ட சில நண்பர்களின் வலைப்பூக்களை படிக்க நேர்ந்தது. அவர்கள் கூறி இருப்பது : இந்த சந்திப்பு மகிழ்ச்சிகரமாக இல்லை, ஏமாற்றம் அளிப்பதாக இருந்தது. என்று குறிப்பிட்டிருந்தார்கள்.

ஏன், என்ன நடந்தது என்று தெரியவில்லை. எது எப்படி இருந்தாலும் நம்முடைய கருத்துக்களை பகிர்ந்து கொள்ளணுமே தவிர திணிக்க கூடாது. அதுதான் ஆரோக்கியமான நடைமுறை; நல்லுறவு பாலமாக அமையும் என்பதில் சந்தேகம் உண்டா சொல்லுங்கள்.


உங்கள் மேலான கருத்துக்களை எதிர்பார்த்தவனாக உங்கள் ஸ்டார்ஜன்.


,

Post Comment

உலக தண்ணீர் தினம் - கேள்விக்கு உங்கள் பதில் 4

அன்புமிக்க நண்பர்களே!!

இன்று உலக தண்ணீர் தினம். தண்ணீரின் மகத்துவம், சிக்கனங்களை பற்றி பலரும் தங்கள் கருத்துக்களை பகிர்ந்து கொண்டார்கள். தண்ணீரை அளவாய் பயன்படுத்துவோம். தண்ணீரை வீணாக்காதீர்கள்.

மரம் வளர்ப்போம்; மழை பெறுவோம்.


சென்ற வாரம் நீங்கள் ஆவலுடன் பங்குபெற்று உங்கள் கருத்துக்களை பகிர்ந்து கொண்ட கேள்விக்கு உங்கள் பதில் பகுதியில் இதோ இந்த வார கேள்வி...


கேள்வி :


தண்ணீர் பற்றாக்குறையை தீர்க்க பாடுபடுவது அரசாங்கமா... இல்லை மக்களா....


சென்ற வாரம் கலந்து கொண்டு உங்கள் கருத்துக்களை பகிர்ந்து கொண்டது போல இந்த கேள்விக்கும் உங்கள் கருத்துக்களை பகிர்ந்து கொள்ளுங்கள்.


உங்கள் மேலான கருத்துக்களை எதிர்பார்த்தவனாக உங்கள் ஸ்டார்ஜன்.


,

Post Comment

கேள்விக்கு என் பதில் 3

அன்புமிக்க நண்பர்களே!

நேற்று நான் ஒரு கேள்வியை வெளியிட்டேன். அதற்கு நான் எதிர்பார்த்ததுபோலவே நீங்கள் பலதரப்பட்ட கருத்துக்களை வெளிப்படுத்தியது மிக்க மகிழ்ச்சியாக உள்ளது. இதுவரை 21 பேர் தங்கள் கருத்துக்களை வெளிப்படுத்தி இருக்காங்க. இன்னும் பலர் தங்கள் கருத்துக்களை வெளிப்படுத்துவாங்க. உங்கள் அனைவருக்கும் என் நன்றிகளை தெரிவித்துக் கொள்கிறேன்.


கேள்வி 3:

தனியார் பள்ளிக் கட்டணத்தை அவர்களே தீர்மானிப்பது சரியானதா?.. இல்லை அரசே கட்டணத்தை தீர்மானிப்பது சரியா?...


ஒரு குழந்தை கல்வியையும் அறிவையும் கற்றுக் கொள்ளும் ஒரு இடம் பள்ளிக்கூடம். ஒரு பெற்றோர், நாம்தான் படிக்கவில்லை; தன் குழந்தையாவது எல்லாவிதமான கலைகளையும் கற்று சமுதாயத்தில் பெரிய ஆளாக வரவேண்டும் என்றே விரும்புகின்றனர். அப்படி இருக்கும்போது அவர்கள் நல்ல கல்வி நிலையங்களை எங்கே என்று நாடிச் செல்கின்றனர்.

பெற்றோர்களின் இந்த மனநிலையை அறிந்த பெரும்பாலான தனியார் பள்ளிகள் தங்கள் இஷ்டத்துக்கு கல்விக்கட்டணத்தை பெற்றோர்களிடமிருந்து எவ்வளவு கறக்கமுடியுமோ அவ்வளத்தையும் கறக்கின்றனர். டொனேஷன், வளர்ச்சிநிதி, கல்விகட்டணம், அந்தபீஸூ, இந்தபீஸூ என்று நம்மிடம் கேட்பதை பார்க்கும்போது தலைசுற்றுகிறது. நடுத்தரவர்க்கத்தினர் பணத்துக்கு என்ன பண்ணுவார்கள். இப்பவே இப்படி இருந்தால் இனி வருங்காலத்தில் எப்படியோ?. இறைவன் அறிந்தவனாக இருக்கின்றான்.

அப்போ நீங்க கேட்கலாம்; பணத்துக்கு முடியாதவங்க ஏன் தனியார் பள்ளிகளில் தங்கள் பிள்ளைகளை சேர்க்கணும் என்று?.. அரசு பள்ளியில் கல்வி சரியில்லை. ஒருசில அரசு பள்ளிகளில் மட்டுமே அனைத்து ஆசிரியர்களும் வருகைதந்து பிள்ளைகளுக்கு நன்றாக சொல்லிக் கொடுக்கின்றனர்.

தனியார் கல்விநிறுவனங்களை எடுத்துக்கொண்டால் அவர்கள் வாதம் என்னவாக இருக்கும்?. நாங்கள் பிள்ளைகளுக்கு தரமான கல்வியை வழங்குகிறோம். அதுமாதிரி இதர பழக்கவழக்கங்கள், பயிற்சிகள் கற்றுக் கொடுக்கிறோம். அதற்கு நாங்கள் திறமைவாய்ந்த ஆசிரியர்களுக்கு அவர்கள் கேட்கும் சம்பளத்தை கொடுக்கவேண்டும். பிள்ளைகளுக்கு அவர்களிடம் என்ன திறமைகள் உள்ளனஎன்பதை அறிந்து பாடம்சொல்லிக் கொடுத்து அவர்களை சமுதாயத்தில் சிறந்தவர்களாக ஆக்க நாங்கள் எவ்வளவு முயற்சி மேற்கொள்கிறோம் என்பதை யாரும் புரிந்துகொள்ள மறுக்கிறார்கள்.

நான் கேட்பது என்னவென்றால், நீங்கள் கல்விநிறுவனங்கள் ஆரம்பிக்கவேண்டும் என்றால் உங்கள் சொந்தப் பொறுப்பில் எல்லாவிதமான செலவுகளை நீங்களே பார்த்துக் கொள்ளவேண்டும். பெற்றோர்களிடமிருந்து வசூல்செய்வது எந்த விதத்தில் நியாயமானது என்று நீங்களே சொல்லுங்கள். இதுதான் எல்லா தனியார் பள்ளிகளின் நிலையும்.

இதில் ஒருசில கல்விநிறுவன‌ங்களை பாராட்டியே ஆகவேண்டும். அவர்கள் பிள்ளைகளுக்கு நல்ல கல்வியையும் ஒழுக்கத்தையும் கற்று பிள்ளைகளை சமுதாயத்தில் சிறந்தவர்களாக ஆக்குகின்றனர். பெற்றோர்களிடமிருந்து அதிகமாக வசூலிப்பதில்லை.

ஒருசில அரசு பள்ளிகளை தவிர்த்து எல்லாப் பள்ளிகளைபற்றி கேட்கவே வேண்டாம். அரசு இந்த பள்ளிகளை தன்னுடைய நேரடி கண்காணிப்பில் வைத்து திறமையான ஆசிரியர்களை நியமித்து பிள்ளைகளுக்கு தரமான கல்வியை வழங்க முன்வரவேண்டும்.

அரசு இந்த கல்வியாண்டுமுதல் முதல்வகுப்பு முதல் ஆறாம்வகுப்பு வரை சமச்சீர் கல்விமுறையை அறிவித்து இருப்பது மகிழ்ச்சியாக உள்ளது. அதுபோல தனியார் பள்ளிகளுக்கு பாதகமில்லாமல் கல்விகட்டணத்தை நிர்ணயிக்கவேண்டும்.

இதுதான் இன்றைய வாழ்க்கை நடைமுறை.


மீண்டும் அடுத்தவாரம் வேறொரு கேள்வியுடன் உங்களை சந்திக்கின்றேன். தொடர்ந்து உங்கள் கருத்துக்களை பகிர்ந்து கொள்ளுங்கள். உங்கள் அனைவருக்கும் என் நன்றிகளை தெரிவித்துக் கொள்கிறேன்.


உங்கள் மேலான கருத்துக்களை எதிர்பார்த்தவனாக உங்கள் ஸ்டார்ஜன்.


,

Post Comment

கேள்விக்கு உங்கள் பதில் 3

எனது அன்புமிக்க நண்பர்களே

முதலில் உங்கள் அனைவருக்கும் என் நன்றிகளை தெரிவித்துக் கொள்கிறேன். கடந்த 2 வாரங்களுக்கு முன்னால் நான் ஆரம்பித்த கேள்விக்கு உங்கள் பதில் இடுகை உங்களின் அமோக ஆதரவினை பெற்று ஒரு நல்ல இடுகையாக வருவது எனக்கு ரொம்ப மகிழ்ச்சியாக உள்ளது.

இது உங்களுக்கான இடுகை. இது நீங்கள் ஆர்வத்துடன் பங்குபெற்று உங்கள் கருத்துக்களை பகிர்ந்து கொள்ளும் இடுகை.

சென்ற வாரம் இடுகை கேள்விக்கு உங்கள் பதில் 2

இனி இந்த வார கேள்விக்கு செல்லலாமா..

கேள்வி 3 :


தனியார் பள்ளிக் கட்டணத்தை அவர்களே தீர்மானிப்பது சரியானதா?.. இல்லை அரசே கட்டணத்தை தீர்மானிப்பது சரியா?...



சென்ற வாரம் கலந்து கொண்டு உங்கள் கருத்துக்களை பகிர்ந்து கொண்டது போல இந்த கேள்விக்கும் உங்கள் கருத்துக்களை பகிர்ந்து கொள்ளுங்கள்.


உங்கள் மேலான கருத்துக்களை எதிர்பார்த்தவனாக உங்கள் ஸ்டார்ஜன்.

,

Post Comment

கேள்விக்கு என் பதில் 2

அன்புமிக்க நண்பர்களே !

நேற்றைய பதிவான கேள்விக்கு உங்கள் பதில் 2 உங்களுக்கு புதிய அனுபவமாக இருந்திருக்கும் என நம்புகின்றேன். நேற்று நான் ஒரு கேள்வியை வெளியிட்டேன். அதற்கு நான் எதிர்பார்த்ததுபோலவே நீங்கள் பலதரப்பட்ட கருத்துக்களை வெளிப்படுத்தியது மிக்க மகிழ்ச்சியாக உள்ளது. இன்னும் பலர் தங்கள் கருத்துக்களை வெளிப்படுத்துவாங்க. உங்கள் அனைவருக்கும் என் நன்றிகளை தெரிவித்துக் கொள்கிறேன்.


கேள்வி 2 :


போலிச்சாமியார், போலி விளம்பரங்கள் இப்படி போலியான விஷயங்களை மக்கள் அதிகமாக விரும்புவதேன்? குறிப்பாக பெண்கள் விரைவில் ஏமாறுவதேன்?...


இந்த கேள்விக்கு பதில் சொல்வது என்பது ஒரு சிக்கலான காரியம் . இது போன்ற போலியான விஷயங்களை மக்கள் நாடுவதுக்கு முழுக்க முழுக்க காரணம் மக்களோட அறியாமைதான். மக்கள் ஒவ்வொருத்தருக்கும் பலவிதமான சூழ்நிலைகள், கஷ்டங்கள் இப்படி ஒவ்வொருத்தருக்கும் பல பிரச்சனைகள் இருக்கின்றன.

மக்களின் இந்த பலவீனத்தை பயன்படுத்தி தான் ஒவ்வொரு சாமியாரும் ஆசிரமம் என்ற பெயரில் ஆரம்பித்து மக்களிடம் பணம் பறிக்கிறார்கள். இதுமாதிரிதான் போலி டாக்டர்களும் பணம் பறிக்கின்றனர். இவர்களை நாடி செல்லும் மக்கள் , தங்கள் பிரச்சனைகள், நோய்களை தீர்த்து வைப்பார்கள் என்ற நப்பாசையில் செல்கிறார்கள். ஆனால் நடப்பதோ வேறுமாதிரி. சாமியார் விஷயத்தில் ஆண்களைவிட பெண்கள்தான் அதிகம் ஏமாறுகிறார்கள்.

ஆண்களை பொறுத்தவரை பணம்சம்பந்தமான விஷயங்களில் அதிகம் ஏமாறுகிறார்கள். உதாரணத்துக்கு போலி சிட்பண்ட், மற்றும் மோசடிக் கும்பல்களிடம் வசமாக சிக்கிக் கொள்கின்றனர். போலி நிறுவனங்களை நடத்துவருபவர் மக்களின் பலவீனத்தை பயன்படுத்தி கவர்ச்சியான விளம்பரங்களை கொடுத்து மக்களை தங்கள் வலைகளில் விழவைக்கின்றனர்.

எனக்கு தெரிந்த எத்தனையோபேர் இப்படித்தான் ஏமாந்து போயுள்ளனர்.

பெண்களும் இந்தமாதிரி அதிகமாக ஏமாறுகின்றனர். நாம் அடுத்தவன் என்ன செய்கிறான் என்றுபார்த்து அதுபோல நாமும் செய்யும் போது விளைவுகளை சந்திக்க வேண்டி இருக்கிறது. பொறாமை, பொருளாசை, அவசரபுத்தி, பேராசை இது ஆண்/பெண் இருவருக்குமே பொருந்தும்.

இதெல்லாம் மக்களின் மனநிலையை பொறுத்து மாறுபடும். எனவே இந்த விஷயம் ஒரு முடிவு பெறாமல் நீண்டு கொண்டே போகுமே தவிர அவ்வளவு ஈசியா முடியாது.

இந்த விஷயங்களில் நாம் விழிப்புணர்ச்சியுடன் நடந்து நம்மை நாமே பாதுகாக்க வேண்டும். இதற்கு அரசாங்கமும் மக்களுக்கு உதவி செய்யவேண்டும். தமிழக அரசு இப்போது கண்காணிப்பு குழுக்கள் அமைக்க நடவடிக்கை எடுத்து வருகிறது என்பதை பார்க்கும்போது மிக மகிழ்ச்சியாக உள்ளது.


போலியான விளம்பரங்கள், போலி நிறுவனங்களை மக்கள் சரியாக அடையாளம் கண்டுகொள்ள விழிப்புணர்ச்சியுடன் இருக்க வேண்டும்.


உங்கள் மேலான கருத்துகளை எதிர்பார்த்தவனாக உங்கள் ஸ்டார்ஜன்.

,

Post Comment

கேள்விக்கு உங்கள் பதில் 2 , மகளிர் தினம்

அன்புமிக்க நண்பர்களே எல்லோரும் நலமா...

சென்ற வாரம் நீங்கள் ஆவலுடன் பங்கெடுத்து கருத்துக்களை பகிர்ந்து கொண்ட கேள்விக்கு உங்கள் பதில் பதிவுஇடுகை உங்களின் அமோக ஆதரவினால் இந்த வாரமும் கேள்விக்கு உங்கள் பதில் இடுகையில் கேள்வியை வெளியிடுகிறேன்.


கேள்வி 2 :


போலிச்சாமியார், போலி விளம்பரங்கள் இப்படி போலியான விஷயங்களை மக்கள் அதிகமாக விரும்புவதேன்? குறிப்பாக பெண்கள் விரைவில் ஏமாறுவதேன்?...


சென்ற வாரம் கலந்து கொண்டு உங்கள் கருத்துக்களை பகிர்ந்து கொண்டது போல இந்த கேள்விக்கும் உங்கள் கருத்துக்களை பகிர்ந்து கொள்ளுங்கள்.


இன்று மகளிர் தினம்.

பெண்கள் எல்லாத்துறைகளிலும் முன்னேற நம்முடைய வாழ்த்துகளை தெரிவித்துக் கொள்வோம்.

அனைவருக்கும் என் இனிய மகளிர் தின வாழ்த்துகள்.

,

Post Comment

கேள்விக்கு என் பதில்...

அன்புமிக்க நண்பர்களே !

நேற்று என்பதிவு உங்களுக்கு புதிய அனுபவமாக இருந்திருக்கும் என நம்புகின்றேன். நேற்று நான் ஒரு கேள்வியை வெளியிட்டேன். அதற்கு நான் எதிர்பார்த்ததுபோலவே நீங்கள் பலதரப்பட்ட கருத்துக்களை வெளிப்படுத்தியது மிக்க மகிழ்ச்சியாக உள்ளது. இதுவரை 21 பேர் தங்கள் கருத்துக்களை வெளிப்படுத்தி இருக்காங்க. இன்னும் பலர் தங்கள் கருத்துக்களை வெளிப்படுத்துவாங்க. உங்கள் அனைவருக்கும் என் நன்றிகளை தெரிவித்துக் கொள்கிறேன்.

கேள்வி :

பெண்களின் முன்னேற்றத்துக்கு பெரிதும் உதவியாயிருப்பது குடும்பமா? இல்லை சமுதாயமா?.



இந்த கேள்விக்கு பெண்களின் முன்னேற்றத்துக்கு பெரிதும் உதவியாயிருப்பது சமுதாயம்தான் என்று கூறியிருப்பது மிக்க மகிழ்ச்சியாக உள்ளது. ஒரு பெண் முன்னேற குடும்பத்தில் எவ்வளவுதான் உதவி செய்தாலும் சமுதாயம்தான் அங்கீகரிக்க வேண்டும். அவளுடைய நல்ல அந்தஸ்துகளை கொடுப்பது சமுதாயம் தான். ஒரு பெண், தன்னுடைய குடும்பத்தில் உள்ளவர்களையும் சமாளித்து சமூகத்திலும் தன் திறமையைக் கொண்டு திறம்பட செயலாற்றுகிறாள். இதனால் அவளை போற்றிக் கொண்டாடுகிறது. அவளுக்கென ஒரு அங்கீகாரத்தை வழங்குகிறது.

இதே சமூகம்தான் அந்த பெண் தவறிழைக்கும் போது அவளைத் தூற்றவும் செய்வது மிகுந்த வருத்தத்தை தருகிறது. அது ஏன் என்றே தெரியவில்லை. அவளும் பெண்தானே?. ஆணாவது எதாவது ஒருவகையில் தப்பித்துவிடுகிறான். அப்போது அவளுக்கு பெரிதும் ஆறுதலாயிருப்பது குடும்பம்தான். அவள் வாழ்க்கையில் மீண்டும் ஒரு வசந்தத்தை ஏற்படுத்தி கொடுப்பது வீட்டில் உள்ளவங்க தான். ஒரு பெண்ணுக்கு சமுதாயத்தை அறிமுகப்படுத்துவது குடும்பம்தான். ஒரு பெண் பிறந்து வளர்ந்து சமுதாயத்தில் ஒரு அந்தஸ்தை பெறுவதுவரை அவளுக்கு துணையாயிருந்து அவளுடைய கஷ்டங்களில் பங்கெடுப்பது அவளது குடும்பத்தில் உள்ள பெற்றோர்களும் அவளுடைய கணவனும் அவளுடைய குழந்தைகளும் தான்.

இந்த உண்மையை யாராலும் மறுக்க இயலாது. பெண்களின் முன்னேற்றத்துக்கு பெரிதும் உதவியாயிருப்பது குடும்பம் தான் என்று நீங்கள் கூறியிருப்பது மிகுந்த மகிழ்ச்சியாக உள்ளது. இந்த கருத்து வரவேற்கத்தக்கது.

இதுதான் என்னுடைய கருத்து. எனவே பெண்களின் முன்னேற்றத்துக்கு பெரிதும் உதவியாயிருப்பது குடும்பம்தான் என்னுடைய கருத்தையும் இங்கே பகிர்ந்து கொள்கிறேன்.

இந்த கருத்தை வலியுறுத்தி தங்கள் கருத்துக்களை பகிர்ந்து கொண்ட அனைவருக்கும் பூங்கொத்து அளிக்கிறேன்.


மீண்டும் அடுத்தவாரம் வேறொரு கேள்வியுடன் உங்களை சந்திக்கிறேன்.


உங்கள் மேலான கருத்துக்களை எதிர்பார்த்தவனாக உங்கள் ஸ்டார்ஜன்.

Post Comment

கேள்விக்கு உங்கள் பதில் ...

அன்புமிக்க நண்பர்களே ! எல்லோரும் நலமா...

நீங்கள் கொடுக்கும் ஆதரவும் உங்கள் கருத்துக்களும் பாராட்டுகளும் வாழ்த்துக்களும் என்னை மேலும் எழுதத் தூண்டுகிறது. அதற்கு நான் என்றென்றும் கடமைப்பட்டுள்ளேன். உங்கள் அனைவருக்கும் என் நன்றிகளை தெரிவித்துக் கொள்கிறேன்.

என்னுடைய இந்த பதிவு, என்னில்இருந்து, உங்களுக்கு ஒரு வித்யாசமான அனுபவத்தை கொடுக்கும் என நம்புகின்றேன். இது எனது சிறிய முயற்சி. அது என்னவென்றால் ஒரு கேள்வியை இங்கு வெளியிடுவேன். அதற்கு உங்களிடமிருந்து பலதரப்பட்ட கருத்துக்களை எதிர்பார்க்கிறேன். உங்கள் கருத்துக்களை தெரிவியுங்கள். இது வாரத்துக்கு ஒருதடவை இந்த பதிவு வெளியிடுவேன்.

முதலில் பெண்களிலிருந்து ஆரம்பிப்போம்.

கேள்வி :

பெண்களின் முன்னேற்றத்துக்கு பெரிதும் உதவியாயிருப்பது குடும்பமா? இல்லை சமுதாயமா?.


இது என்னோட சிறிய முயற்சி.


உங்கள் மேலான கருத்துக்களை எதிர்பார்த்தவனாக உங்கள் ஸ்டார்ஜன்.

Post Comment

என் கேள்விக்கு.... என்ன பதில் !!

1. உங்களுக்கு ஏன் இந்தப் பெயர் வந்தது? உங்களுக்கு உங்க பெயர் பிடிக்குமா?...

இது நானா கொடுத்துகிட்ட பெயர் ... இதுவும் நல்லாத்தான் இருக்கு ...

2. உங்களுக்கு உங்க கையெழுத்து பிடிக்குமா?.....

என்ன இப்படி கேட்டுபுட்டிங்க ... பிடிக்காமலியா...

3. கடைசியாக அழுதது எப்போது?...

எதுக்குங்க அழுவனும் ..... என் ராஜா ....அழுவக்கூடாது என்ன சரியா ....தைரியமா இருக்கோனும் .... அம்மா சொன்னது !! ..

4. பிடித்த மதிய உணவு?...

சவுதி யில் ஓட்டலுக்கு போனா கப்சா தான் ... நான் சமைக்கிறது தான் பிடிக்கும் ...
5. நீங்கள் வேறு யாராவதாக இருந்தால் உங்களோட நட்பு வச்சுக்குவீங்களா ?....

எல்லோரும் நம் நண்பர்களே ....

6. கடல்ல குளிக்கப் பிடிக்குமா? அருவியில குளிக்கப் பிடிக்குமா...

அருவியில குளிக்கப் பிடிக்கும் ..

7. ஒருவரைப் பார்க்கும்போது முதலில் எதைக் கவனிப்பீர்கள்?...

ஒருவரைப் பார்க்கும் போது எதையும் கவனிப்பதில்லை. ஒருவரிடம் பழகும் போது அவர் பேசும் கருத்துக்களை நன்றாக கவனித்து பதில் கூறுவேன்.
நான் சொல்லும் விஷயத்தை புரிந்து கொள்கிறாரா என்பதை, அவருடைய முக உடல் பாவனைகளை பார்ப்பேன்...

8. உங்க கிட்ட உங்களுக்குப் பிடிச்ச விஷயம் என்ன? பிடிக்காத விஷயம் என்ன ?...
பிடிக்காத விஷயம் ..
ஒன்னும் இல்லாத விஷயத்தை பற்றி வளவளவென்று பேசுவது..
பிடிச்ச விஷயம் ...
எது செய்தாலும் சரியாக செய்ய வேண்டும் என்ற எண்ணம் ...

9. உங்க சரி பாதி கிட்ட உங்களுக்கு பிடித்த பிடிக்காத விசயம் எது?..
மனதில் ஏற்படும் கோபத்தை ஓரிரு நாட்களுக்கு மேல் நீட்டிக்காதது. மனைவி கிட்ட பிடிக்காததுன்னு எதாவது இருக்க முடியுமா? இந்த கேள்வியே தப்பாச்சே:)
எல்லாமே பிடித்தது...

10. இப்போ யார் பக்கத்துல இல்லாம போனதுக்கு வருந்துகிறீர்கள்?...
அப்படி எதுவும் இல்லை....
நல்ல தலைவர்கள் கூட இல்லியே என்ற வருத்தம் தான் ....

11. இதை எழுதும் போது என்ன வர்ண ஆடை அணிந்து உள்ளீர்கள்?..
ப்ரெளன் கலர் சட்டையும் சிமெண்ட் கலர் பேண்டும்.....


12. என்ன பார்த்து/கேட்டுக் கொண்டு இருக்குறீங்க?...
என்ன !! உங்களை பார்த்துக்கொண்டு ...
இளையராஜா பாட்டை கேட்டுக்கொண்டு இருக்கேன்.....

13. வர்ணப் பேனாக்களாக உங்களை மாற்றினால் என்ன வர்ணமாக உங்களுக்கு ஆசை?.....
புளுக்கலர்

14. பிடித்த மணம்?.....
மல்லிகைப்பூ மணம்.....
அப்புறம் தமிழ் மணம்..... எப்பூடி.......

15. உங்களுக்கு இதை அனுப்பிய பதிவரின் பதிவுகளில் உங்களுக்குப் பிடித்த பதிவு?.....
நோ கமெண்ட்ஸ்....

16. நீங்க அழைக்கப் போகும் பதிவரிடம் உங்களுக்கு பிடித்த விஷயம். அவரை அழைக்கக் காரணம் என்ன?.....
நோ கமெண்ட்ஸ்....

17. பிடித்த விளையாட்டு?.....
கிரிக்கெட்.

18. கண்ணாடி அணிபவரா?......
இல்லை .

19. எப்படிப்பட்ட திரைப்படம் பிடிக்கும்?.....

நல்ல கதை உள்ள படம் ,காமெடி ,காதல ,படங்கள் பிடிக்கும் ...

20. கடைசியாகப் பார்த்த படம்?...

பசங்க.

21. பிடித்த பருவ காலம் எது?...
வசந்த காலம்.

22. என்ன புத்தகம் படித்துக் கொண்டு இருக்கீங்க?....

. சுஜாதாவின் ஏன் எதற்கு எப்படி.

23. உங்கள் டெஸ்க்டாப்ல் இருக்கும் படத்தை எத்தனை நாளுக்கு ஒரு நாள் மாற்றுவீர்கள்?.....
வாரம் ஒரு முறை ....

24. பிடித்த சத்தம்? பிடிக்காத சத்தம்?.....
பிடித்தது நிசப்தம் .....
பிடிக்காதது இரைச்சல் ..

25. வீட்டை விட்டு நீங்கள் சென்ற அதிக பட்ச தொலைவு?.....

வேரங்கே !!! சவுதி அரேபியாவுக்கு தான் ....

26. உங்களுக்கு ஏதாவது தனித் திறமை இருக்கிறதா?....

காலேஜ் படிக்கும்பொது கதை கட்டுரை எழுதிய ஞாபகம் ..
இப்போதும் உண்டு என்று ஞாபகம் ..

27. உங்களால் ஏற்றுக் கொள்ள முடியாத ஒரு விஷயம்?.....

தப்பு நடக்கும்போது அதை வேடிக்கை பார்த்துக்கொண்டு இருக்கும் மனோபாவம் எல்லோருக்கும் உண்டு ..
நல்லது செய்ய நினைக்கும்போது அதை தடுப்பவர்கள் ...

28. உங்களுக்கு உள்ளே இருக்கும் சாத்தான்?....

மனம்
எதுவும் தப்ப நடந்திடுமோ ... என்ற பயம் .
அப்புறம் , நல்லதே நடக்க !
இறைவனிடம் வேண்டுதல் ....

29. உங்களுக்குப் பிடித்த சுற்றுலா தலம்?...

. மலை சார்ந்த சுற்றுலா தலங்கள் பிடிக்கும் .
குற்றாலம் , ஊட்டி , கொடைக்கானல் ...

30. எப்படி இருக்கணும்னு ஆசை?....

நன்றாக உழைத்து , சம்பாதித்து , நாலுபேர் சொல்ல நன்றாக வாழவேண்டும் ...

31. மனைவி இல்லாமல் செய்ய விரும்பும் ஒரே காரியம்?....

அவங்க செய்யாத காரியத்தை செய்து , பாராட்டு வாங்குவது ..
சர்ப்ரைஸ்கள் கொடுப்பது, ஆச்சரியப்படுத்துவது...

32. வாழ்வு பற்றி ஒரு வரி சொல்லுங்க?....


வாழ்க்கையே ஒரு மாயை தான் . அதில் எவ்வளவு பிரதிபலிக்க வேண்டுமோ அவ்வளவு பிரகாசிக்கவேண்டும் ....

Post Comment