வெள்ளி விழா நாயகன்

வெள்ளி விழா நாயகர்கள்





1975ல் அபூர்வ ராகங்கள் படத்தில் நடிக்க வந்த சூப்பர்ஸ்டார் ரஜினிகாந்த்துக்கு மாது டப்படமகெ என்ற படம் 25 வது படமாக அமைந்தது . தமிழில் 25 வது படம் பிரியா .

இந்த படத்தில் உள்ளவர் யாரென்று தெரிகிறதா .. இவர் தான நம்ம செவாலியே சிவாஜி . சக்தி நாடக சபாவில் நடித்த போது எடுத்த படம் . இவரது 25 வது படம் உத்தமபுத்திரன் 1958.

இவர் நம்ம உலக நாயகன் கமல் . களத்தூர் கண்ணம்மாவில் அறிமுகமாகிய கமலஹாசனுக்கு தேன் சிந்துதே வானம் 1975 படம் 25 வது படமாக அமைந்தது .

இனிக்கும் இளமையில் அறிமுகமாகினார் நம்ம புரட்சிக் கலைஞர் . ஏமாற்றாதே ஏமாறாதே 1985 25 வது படமாக அமைந்தது .

நாளையத் தீர்ப்பு என்ற படத்தின் மூலம் இளைய தளபதி அறிமுகமாகினார் . கண்ணுக்குள் நிலவு 2000 படம் 25 வது படமாக அமைந்த்து .

அமாராவதி படத்தின் மூலம் அறிமுகமாகிய அல்டிமேட் அஜித் நீ வருவாய் என 1999 25 வது படத்தில் நடித்தார் .

நம்ம இசைஞானி இளையராஜா 1976 ஆம் ஆண்டு அன்னக்கிளி என்ற திரைப்படத்தில் இசையமைப்பாளராக அறிமுகமானார். தமிழின் நாட்டுப்புற இசையினை அதன் தரம் குன்றாமல் வழங்கினார். இப்போது இவர் தனது 875 வது படத்துக்கு இசையமைக்கிறார் .

இளையராஜாவின் அண்ணன் பாவலர் வரதராஜன் மகன் ஜோ வரதராஜன் எழுதி இயக்கும் புதிய படம் “விளையாடு ராஜா விளையாடு’. இதில் “பிறப்பு’ படத்தில் நடித்த பிரபா கதாநாயகனாக நடிக்கிறார்.

நம்ம A .R . ரகுமான் ரோஜா படத்தின் மூலம் அறிமுகமாகி ஜீன்ஸ் 1998 ல் 25 வது படத்துக்கு இசையமைத்தார் .

இது நம்ம ஆச்சி மனோரமா . இவங்க 1000 ம் படத்துக்கு மேல நடிச்சிருக்காங்க .

பாரதிராஜா 16 வயதினிலே படத்தின் மூலம் அறிமுகமாகி கடலோரக் கவிதைகள் 1986 ல் 25 வது படத்தை இயக்கினார் .

இவர் மகேந்திரன் 1958 ம் ஆண்டு முதல் திரைத்துறையில் நுழைந்து பலப்படங்க‌ளுக்கு கதை எழுதியும் உதவி இயக்குனராக பணி புரிந்தார் .இவர் நம்ம எம் ஜி ஆர் ல் அறிமுகப்படுத்தப்பட்டார் . நல்ல படங்களை இயக்கி உள்ளார் .

இவர் பாலுமகேந்திரா . இவர் பல வெள்ளி விழா படங்களை இயக்கி உள்ளார் . இவர் கடைசியாக இயக்கிய படம் தனுஷ் நடித்த அது ஒரு கனாக்காலம் .

பரத்வாஜ் முதல் படம் அஜித் நடித்த காதல் மன்னன் . 25 வது படம் ஜே ஜே

ஹாரிஸ் ஜெயராஜ் முதல் படம் மின்னலே . 25 வது படம் விஷால் நடித்த சத்யம் .

இவர் மோகன் . இவருக்கு இன்னொரு பெயருண்டு மைக் மோகன் . இவர் நடித்த எல்லாப் படங்களும் வெள்ளி விழா படங்கள் . இவர் மகேந்திரனால் நெஞசத்தைக் கிள்ளாதே படத்தின் மூலம் அறிமுகப்படுத்தப்பட்டார்.

இவர் யுவன் சங்கர் ராஜா அரவிந்தன் மூலம் அறிமுகமாகி 25 வது படமான போஸ் படத்துக்கு இசையமைத்தார் .

நம்ம கனவு நாயகி ஜோதிகா , அஜித் நடித்த வாலி படத்தின் மூலம் எஸ் ஜே சூர்யா அறிமுகப்படுத்தினார் . ஜோதிகா தனது நடிப்பின் மூலம் உயர்ந்தார் . மாயாவி 2005 படம் அவருக்கு 25 வது படமாக அமைந்தது .

சூர்யா , விஜய்யின் நேருக்கு நேர் படத்தின் மூலம் அறிமுகமாகி பூவெல்லாம் கேட்டுப்பார் படத்தின் மூலம் கதாநாயகன் ஆனார் . இவருக்கு இப்போது ஹரி இயக்கிக் கொண்டிருக்கும் சிங்கம் படம் மூலம் 25 வது படத்தை தொடுகிறார் . அனுஷ்கா ஹீரோயின் .

இது நம்ம மேடி மாதவன் . இவர் அலைப்பாயுதே படத்தின் மூலம் மணிரத்னத்தால் அறிமுகப்படுத்தப்பட்டார் . இப்போது தனது 25 வது படத்தை நெங்கிக் கொண்டிருக்கிறார் .

இவர் விக்ரம் . இவருடைய உண்மையான பெயர் ஜான் கென்னடி . இவர் தந்துவிட்டேன் என்னை படத்தின் மூலம் அறிமுகமானார் . இவரும் தனது 25 வது படத்தை நெருங்கிக் கொண்டிருக்கிறார் .

இவர் நம்ம சிம்பு . இவர் காதல் அழிவதில்லை படத்தின் மூலம் அறிமுகமானாலும் சிறு வயதிலே சினித்துறைக்கு நடிக்க வந்து விட்டார் . இவர் தனது 25 வது படத்தை நெருங்கிக் கொன்டிருக்கிறார் .

இவர் யாரென்று உங்களுக்கு தெரியுதா . அட இது நம்ம ஸ்டார்ஜன் ... இவருக்கும் சினிமாவுக்கும் என்ன சம்பந்தம் என்று நீங்கள் கேட்பது புரிகிறது .

இவர் பதிவுலகத்துக்கு கடந்த ஏப்ரலில் வந்தார் . இப்போது தனது 25 வது பதிவை தொடுகிறார் .

நான் என‌து 25 வது பதிவை இந்த பதிவின் மூலம் உங்களுக்கு சமர்ப்பிக்கிறேன் . ஏன்னா , இதுக்கு முக்கிய காரணம் நீங்கள் தான் . எனக்கு இதுவரைக்கும் ஆதரவு தந்து என்னை ஊக்கப்படுத்திக் கொண்டிருக்கும் உங்களுக்கு இந்த பதிவை சமர்ப்பணம் செய்கிறேன் .

எனக்கு உங்களுடைய மேலான ஆதரவு தேவை .

இனி , சினிமா பற்றிய பதிவுகளை ஸ்டார்'ஸ் திரைப்பார்வை தலைப்பின் மூலம் நீங்கள் காணலாம் .

அப்புறம் மறக்காமல் பின்னூட்டமிட்டு செல்லுங்கள் .

இப்படிக்கு
என்றும் அன்புடன்
உங்கள் ஸ்டார்ஜன் .

Post Comment