ஊரு விட்டு ஊரு வந்து ...

ஒரு ஊர்ல ஒரு ராஜா இருந்தாராம் . அவருக்கு 9 மனைவிமார்களாம் ...

என்ன !! ஊம் .. ஊம்முன்னு கதை கேட்க ஆரம்பிச்சிட்டீங்களா ... சே !!! சே !! . ராஜாக்கதையெல்லாம் பழசு .. அப்படியே ராஜா இருந்தாலும் 9 பொண்டாட்டியெல்லாம் நடக்கிற கதையா ? . அதுவும் இந்த காலத்துல .. இப்படியெல்லாம் கதை சொல்லி உங்களை பயமுறுத்த மாட்டேன் .

சில ஊருக்கு நாம் போகும் போது அந்த ஊர் நமக்கு பிடித்திருக்கும் . என்ன காரணம் !! நமக்கே தெரியாது . அந்த ஊர் மக்கள் பழகுற விதம் , ஊரின் அழகு , கண்ணுக்கு விருந்தளிக்கும் காட்சிகள் , இப்படி நமக்கு தெரியாமலே அந்த ஊர் நமக்கு பிடித்து போக நிறைய காரணம் இருக்கலாம் .

ஆனா அந்த ஊர்களின் பெயர்கள் ரொம்ப வித்தியாசமா இருக்கும் . சில ஊர்கள் வரலாற்று பின்னணி இருக்கும் . சில பெயரைக் கேட்டாலே சிரிப்பு வரும் .

அப்படி எனக்கு பிடித்த சில ஊர்களை இப்போது பார்க்கலாம் .

நெல்லை மாவட்டத்தை சேர்ந்த ஊர்களும் , அதனை சுற்றியுள்ள ஊர்களையும் பார்க்கலாம் .

மொதல்ல நம்மூர்ல இருந்து ஆரம்பிக்கலாமா ...


1 . திருநெல்வேலி

இது வற்றாத ஜீவ நதி தாமிரபரணி பாயும் நகரமாகும் . இங்கே அல்வா ரொம்ப பேமஸ் . இந்த மாவட்டத்தில் சுற்றுலாத் தளங்கள் நிறைய உண்டு .

நம்ம யாரும் களவாடிவிட கூடாதுங்கிறதுக்காக நெல்லுக்கெல்லாம் வேலி போட்டிருக்காங்க .

2 . தூத்துக்குடி

இது முத்துகுளிக்கும் தொழிலுக்கு பெயர்போனது . இது ஒரு துறைமுக நகரமாகும் .

இங்கே தூத்து வேலை செஞ்சாத்தான் குடிக்கிறதுக்கு கூழ் தருவாங்க போலிருக்கே !!

3 . நாகர்கோவில்

இந்த மாவட்டத்தில் நிறைய சுற்றுலாத் தளங்கள் உள்ளன . இங்கே பேச்சு வழக்கில் மலையாள வாடை அடிக்கும் . ஏன்னா கேரளா அருகில் உள்ளது .


அது என்ன !! இங்கே இருப்பவங்க நாஞ்சில்ன்னு ஒரு அடைமொழியெல்லாம் வைச்சிருக்காங்களே !!

4 . சாத்தான்குளம்

இது தூத்துக்குடி மாவட்டத்தில் உள்ளது .

இங்கே நிறைய சாத்தான்கள் இருக்குமோ ... தெரியலியே ...

5 . பேய்க்குளம்

இது சாத்தான்குளத்துக்கு அருகில் உள்ளது .


இங்கே நிறைய பேய் இருக்குமோ ...


6 . உடன்குடி

இதுவும் தூத்துக்குடி மாவட்டத்தில் உள்ளது . திருச்செந்தூருக்கு அருகில் உள்ளது . கருப்பட்டிக்கு பெயர் போனது .

இங்கே இருப்பவங்க உடனே குடிச்சிருவாங்க போல .. அவ்வளவு சுறுசுறுப்பா ...


7 . முடிவைத்தானேந்தல்

இது தூத்துக்குடிக்கு அருகில் உள்ள சிற்றூர் . நெல்லை டு தூத்துக்குடி சாலையில் உள்ளது .

இங்கே இருக்கிறவங்களுக்க தான் முடி வைச்சிருக்காங்களாம் .

8 . குறுக்குச்சாலை

இது தூத்துக்குடிக்கு அருகில் உள்ள சிற்றூர் .

இங்கே இருக்கிற ரோடெல்லாம் குறுக்காக இருக்குமோன்னு நீங்க கேட்கிறது எனக்கு தெரியுது . ஆனா நான் பார்த்தவரைக்கும் அப்படி தெரியலியே ..


9 . தலையால் நடந்தான் குளம்

இது கயத்தார் ( கட்டபொம்மன் தூக்கிலிட்ட ஊர் ; நெல்லை டு மதுரை சாலையில் ) அருகில் உள்ள சிற்றூர் .

இங்கே இருக்கிறவங்க நேரா நடப்பாங்கன்னா பாத்துக்கோங்களேன் .


10 . பாம்புக்கோவில் சந்தை

இது நெல்லை மாவட்டத்தில் உள்ள சங்கரன் கோவில் அருகில் உள்ள சிற்றூர் .

இங்கே பாம்புக்கெல்லாம் சந்தை வைச்சிருப்பாங்களோ ...

11 . அழகிய பாண்டிய புரம்

இது நெல்லைக்கு அருகில் உள்ள ஊர் .


இங்கே இருக்கிறவங்க அழகானவங்களாம் ...

12 . கடையம்

இது நெல்லை மாவட்டத்தில் உள்ள பாபநாசத்துக்கு அருகில் உள்ளது .


இங்கே அப்படி என்னத்ததான் கடைவாங்களோ ...

13 . ரவணசமுத்திரம்

இது கடையத்துக்கு அருகில் உள்ளது .

இங்கே நீங்க நினைக்கிற மாதிரி ராவணனெல்லாம் கிடையாது .

14 . பத்தமடை

இது நெல்லைக்கு அருகில் உள்ளது . இது படுக்கும் பாய்க்கு பெயர் போனது .


இங்கே எத்தனை மடை இருக்கோ தெரியலியே ...

15 . கல்லூர்

இது நெல்லைக்கு அருகில் உள்ள சிற்றூர் .


இந்த ஊரெல்லாம் கல்லா இருக்குமோ ....

*********************************************

Post Comment