என் செல்லமே ...

சத்தம் போடாதே
என் செல்லம் வரும்
நேரமிது


நீ அழுது எங்களை
சந்தோசப்படுத்தினாயே
அதை மறக்க முடியுமா !!


நான் அருகில் வந்ததும்
உன்னிடம் உதைபடும் ஆளானேன்
நான் எதிர்பாராத நேரத்தில்
சுர்ரென்று பன்னீர் தெளித்தாயே !!


அந்த வேளையில் சுற்றி
இருந்தவர்கள் _ ஏய் நீ
அதிர்ஷ்டக்காரன்ப்பா என்றார்களே !!


உன் செல்ல மொழிகளை கேட்க
நான் அழைத்த போது
என்னவளின் முகம் நோக்கினாயே
நான் யார் என்று தெரிந்ததும்
என்னோடு இணைந்தாயே !!


நீ வரும் அழகை
ரசிக்காதோர் யாரும் உண்டோ ?
பாட்டுப்பாட வைத்து
தூங்குவது நீயல்லவா ..
இரவில் உன் சத்தம்
கேட்டு ஆனந்தம் அடைந்தேனே !!



நான் உன் ரசிகனானே
உன் சேட்டைகளை கண்டு !
எனக்கு தெரியாத
கேள்வியெல்லாம் கேட்டு
நான் பதில் சொல்ல திணறியதை
கண்டு ரசித்து ரசித்து சிரித்தாயே !!!


என் செல்லமே ...


******************************************

Post Comment